新聞類別
娛樂
詳情#
【蘋果日報】電影《生前必做．七件事》嘅男主角杜沚諾（Kento）曾拍過無綫劇集，最近佢參加ViuTV嘅《Good Night Show全民造星》，唔單止全紅燈被判出局，仲畀班導師寸到勁尷尬。
劉美君：唔得就唔好做
話說Kento喺今個禮拜55強淘汰賽中，表演戲劇，不過B隊導師兼隊長郭偉亮（Eric Kwok）就批評到佢體無完膚：「揀唔落手。你頭先performance，無論劇本、演出，我都唔知你做緊乜嘢。」而A隊隊長火火亦都話：「你做drama要講大量台詞，但我聽到大量類似黐脷筋嘅聲。」Kento見劣評如潮，喺褲袋攞個木塞出嚟解釋：「我有練咬字，一直keep住個木塞，因為箍緊牙，啲牙骨釘插咗喺牙骨度……」點知火火即時寸爆佢：「點解你隨身會有呢個紅酒塞？即係你一早準備咗，你知道自己講嘢唔好，我哋會提呢個point，然之後攞出嚟話畀我哋聽，你係有練過。」Kento即時好尷尬，劉美君亦話：「你要做嘢係唔應該咁多藉口，唔得嘅嘢就唔好做。」搞到Kento頭耷耷離場。
撰文：馮仁昭
劉美君：唔得就唔好做
話說Kento喺今個禮拜55強淘汰賽中，表演戲劇，不過B隊導師兼隊長郭偉亮（Eric Kwok）就批評到佢體無完膚：「揀唔落手。你頭先performance，無論劇本、演出，我都唔知你做緊乜嘢。」而A隊隊長火火亦都話：「你做drama要講大量台詞，但我聽到大量類似黐脷筋嘅聲。」Kento見劣評如潮，喺褲袋攞個木塞出嚟解釋：「我有練咬字，一直keep住個木塞，因為箍緊牙，啲牙骨釘插咗喺牙骨度……」點知火火即時寸爆佢：「點解你隨身會有呢個紅酒塞？即係你一早準備咗，你知道自己講嘢唔好，我哋會提呢個point，然之後攞出嚟話畀我哋聽，你係有練過。」Kento即時好尷尬，劉美君亦話：「你要做嘢係唔應該咁多藉口，唔得嘅嘢就唔好做。」搞到Kento頭耷耷離場。
撰文：馮仁昭
回應 (0)
