張繼聰呻帶妻兒旅行攰

【蘋果日報】張繼聰和雨僑等昨日到荔枝角出席餐廳開幕，剛和老公羅力威度蜜月返港的雨僑，早前上載多張性感泳照到社交網，全部由老公操刀，她說：「婚後到依家先有時間去旅行，啱啱去完沖繩石垣島。」她又透露旅行後老公身心疲累：「又要招呼我，又要幫我影相，而且相機器材好重磅。」雨僑又表示羨慕阿聰有一對仔女，但擔心有小朋友時，就不能周圍去，她說：「如果要帶埋小朋友去，成個旅行就變咗外展課程。」
在旁的阿聰就笑指這些只屬初階：「第日要帶BB車去旅行先係體能挑戰，有一年我同老婆仲有個仔去日本，地鐵站冇升降機要行樓梯，老婆抱住個仔，我一個人單手拎住BB車同買咗嘅嘢行上地面，日本人見到都嘩嘩聲。」
採訪：曹家誠
攝影：陳慧安