新聞類別
娛樂
詳情#
【蘋果日報】
吳鎮宇、潘燦良、黃德斌、胡子彤同余香凝主演嘅電影《逆流大叔》，前晚喺奧海城舉行首映禮，鎮宇太太同囝囝Feynman都有撐場，負責創作電影主題曲同插曲嘅RubberBand都上台分享感受。
鎮宇笑住話，帶埋囝囝到場係想畀佢睇吓爹哋有幾肥，佢又話《東方華爾街》、《洩密者們》、《逆流大叔》同《家和萬事驚》係自己肥人四部曲，由60幾公斤（約132磅）增磅至70幾公斤（約154磅）。問佢會唔會再為角色增肥？佢就講笑話未試過增到80幾公斤（約176磅），但應該會郁唔到。
余香凝自嘲黑到令
余香凝話喺紐約電影節睇過部戲，佢仲笑自己黑到「令」，可惜未有美白代言。胡子彤就話早前同屋企人去沙灘玩亦有曬黑：「我淨係個頭有搽防曬，個身好黑，不過曬黑啲可以令到啲肌肉線條出啲。」喺隔籬嘅余香凝即爆胡子彤喺戲中成日要赤裸騷肌，胡子彤就笑住話：「係導演唔畀我着衫，平時喺屋企都唔會着衫，我有問過導演係咪要除，佢話要除，咁劇情需要都OK。」
撰文：馮仁昭
吳鎮宇、潘燦良、黃德斌、胡子彤同余香凝主演嘅電影《逆流大叔》，前晚喺奧海城舉行首映禮，鎮宇太太同囝囝Feynman都有撐場，負責創作電影主題曲同插曲嘅RubberBand都上台分享感受。
鎮宇笑住話，帶埋囝囝到場係想畀佢睇吓爹哋有幾肥，佢又話《東方華爾街》、《洩密者們》、《逆流大叔》同《家和萬事驚》係自己肥人四部曲，由60幾公斤（約132磅）增磅至70幾公斤（約154磅）。問佢會唔會再為角色增肥？佢就講笑話未試過增到80幾公斤（約176磅），但應該會郁唔到。
余香凝自嘲黑到令
余香凝話喺紐約電影節睇過部戲，佢仲笑自己黑到「令」，可惜未有美白代言。胡子彤就話早前同屋企人去沙灘玩亦有曬黑：「我淨係個頭有搽防曬，個身好黑，不過曬黑啲可以令到啲肌肉線條出啲。」喺隔籬嘅余香凝即爆胡子彤喺戲中成日要赤裸騷肌，胡子彤就笑住話：「係導演唔畀我着衫，平時喺屋企都唔會着衫，我有問過導演係咪要除，佢話要除，咁劇情需要都OK。」
撰文：馮仁昭
回應 (0)
