被心穎同何雁詩話唔得張振朗問「你好憎我」

【蘋果日報】張振朗女人緣其實幾好，拍劇之餘又可以同女演員打成一片。佢最近同何雁詩（Stephanie）合作拍新劇《牛下女高音》，開工等埋位時，就挑戰「人肉啞鈴」，何雁詩究竟有幾重？
其實何雁詩早前被三位「肌男」輪流試舉，有人得有人唔得，而張振朗就.....都得，但個樣有少少吃力。
何雁詩留言：「同大家介紹隨身移動啞鈴何雁詩，40幾公斤可以跟住你行，誰要挑戰？ps.張振朗唔係好得。」黃心穎都加入戰團留言﹕「Hahhahah，佢唔得ga！」
被兩個女人圍攻話自己「唔得」，張振朗都幾冇面，自是反擊：「白雪兒（劇中名字）你好憎我呀係咪？」表面互寸，但睇得出張振朗平時都幾受女仔歡迎。