呢位警司咁熟口面原來係90年新秀冠軍

【蘋果日報】將軍澳康盛花園發生縱火案，案情曲折，引起市民和傳媒關注，但原來事件還有一段小插曲。前日警方向傳媒交代案情，由將軍澳警區助理指揮官（刑事）負責，他亦非首次與傳媒交手，但其實早於28年前，他更曾半隻腳踩入樂壇……翻查資料，原來他就是1990年參加新秀歌唱大賽，更摘冠軍的徐鎮東。
那一屆新秀最出名的，是當年沒有獎，但後來變成寶麗金小花的湯寶如，仲有就係「陸家俊我哋支持你」嘅陸家俊，當年他摘亞軍。
至於這位被人稱為「最少人記得嘅新秀冠軍」徐鎮東，參加新秀時任職消防員，憑黃凱芹一曲《情深緣淺》參賽，攞到新秀冠軍之後，出過一張大碟《流星的傳說》，亦唱過TVB電視劇《人．鬼．狐》主題曲《情歸何處》，不過其後據聞就因為唱片公司問題，令他最後在樂壇無聲消失。
徐鎮東後來投考警察，2016年仲晉升成警司。相隔28年，徐鎮東樣子變化不大。