新聞類別
娛樂
詳情#
【蘋果日報】陳慧琳（Kelly）前晚於旺角麥花臣場館為新碟《Watch Me》舉行MOOV Live音樂會，對於首次在旺角開騷，她大讚：「呢度真係好方便好近屋企，五分鐘就返到去。」雖然是小型音樂會，但Kelly全晚換了三套衫，一襲紫灰色露肩晚裝，另外是黑白星星裙及粉紅連身裙。
破換衫秒速
提到火速換衫，Kelly指今次換衫速度再創新高：「我冇諗過嚟麥花臣做騷，都好似紅館騷咁忙，好認真，之前換衫要1分30秒，今日1分20秒搞掂，好快呀，破咗自己紀錄，監製話當紅館咁做，係個迷你版紅館騷。」音樂會中，除了演繹新碟歌曲外，Kelly更兩度encore唱出《最佳位置》及《最愛演唱會》，fans仍然耳油未盡，不願離場，Kelly惟有說：「冇歌啦，要聽就要紅館再見。」
陪囝囝出埠
Kelly完騷後接受訪問，提到一對寶貝兒子蝦餃仔與小籠包未有現身撐場，她說：「佢哋兩個晏晝綵排有嚟，呢排喺屋企已經聽我唱好多，聽到佢哋嘔咁滯。」 Kelly指做完音樂會後，會專心陪囝囝放暑假：「可以同佢哋出埠玩吓，去主題樂園呢啲一定唔少得，佢哋就玩到癲，我就一定曬到燶。」問到何時再到紅館開騷時，Kelly坦言：「我都想，希望唔好太耐，但要儲多啲歌先，希望盡快啦，上一次紅館開騷已經係15年。」
採訪︰曹家誠
攝影：仇志德
破換衫秒速
提到火速換衫，Kelly指今次換衫速度再創新高：「我冇諗過嚟麥花臣做騷，都好似紅館騷咁忙，好認真，之前換衫要1分30秒，今日1分20秒搞掂，好快呀，破咗自己紀錄，監製話當紅館咁做，係個迷你版紅館騷。」音樂會中，除了演繹新碟歌曲外，Kelly更兩度encore唱出《最佳位置》及《最愛演唱會》，fans仍然耳油未盡，不願離場，Kelly惟有說：「冇歌啦，要聽就要紅館再見。」
陪囝囝出埠
Kelly完騷後接受訪問，提到一對寶貝兒子蝦餃仔與小籠包未有現身撐場，她說：「佢哋兩個晏晝綵排有嚟，呢排喺屋企已經聽我唱好多，聽到佢哋嘔咁滯。」 Kelly指做完音樂會後，會專心陪囝囝放暑假：「可以同佢哋出埠玩吓，去主題樂園呢啲一定唔少得，佢哋就玩到癲，我就一定曬到燶。」問到何時再到紅館開騷時，Kelly坦言：「我都想，希望唔好太耐，但要儲多啲歌先，希望盡快啦，上一次紅館開騷已經係15年。」
採訪︰曹家誠
攝影：仇志德
回應 (0)
