黃國英做talk show　變財經界黃子華？

【蘋果日報】豐盛資產管理董事黃國英(Alex)除了是「芬佬」，還有另一個身份--財經界楝篤笑始祖!他2012年首辦財經talk show，去到今年6月已經是第五次，而幫手打造這位「財經界黃子華」的人，竟然是舞台劇導演方俊杰。乍聽起來，兩人風馬牛不相及，偏偏一拍即合，多年來合作無間。
方俊杰2010年從演藝學院導演系畢業，曾獲多個最佳導演獎，打從黃國英第一次財經talk show，已經幫他排練。
方笑着憶述，黃國英第一次讀稿「快到機關槍咁，好似喃嘸佬，係咁講係咁講...佢可能真係秒秒鐘幾千萬上落」，所以他最初都懷疑黃國英做talk show「得唔得」，唯有不停叫他「講慢啲，講慢啲」。
棟篤笑跟舞台劇是兩碼子的事，前者只得一個人、一份稿，排練簡單得多。每次開show前三個月，黃國英便約導演到寫字樓見面，一個讀稿，一個執稿，方俊杰偶爾親身示範，如是者排演廿次左右，到開show當日，黃國英在伊館踩台彩排一次便正式演出。
講到財經棟篤笑的精髓，方俊杰認為最緊要有態度!方指「觀眾入場睇你嘅睇法，除咗攞冧巴，仲要聽你點解對嗰啲冧巴有嗰啲睇法」，所以他要求黃國英一定要有態度，並甩走喃嘸佬式講股，要講到「好似好勁咁喎，我就信你嘞」，「如果你講出嚟，騰訊就咁咁喇，喃嘸佬咁，我做乜要信你呀?」
除了說話技巧，黃國英站著演講時的手勢動作都要教。方笑說「第一次成日叫佢(黃國英)隻手唔好郁，要佢揸住水樽，當揸住支咪，咁就無得郁；另一隻手唔知點擺，就插落袋」，插袋原來是必殺技!
方俊杰最怕人「搵嘢嚟講」，狠狠拋出一句:「無嘢講就唔好出嚟做stand-up show」，黃國英是「有嘢想講嘅人」，他才一直幫手。而經過多年合作，方認為，黃國英的說話速度與演講技巧，以及在舞台上與觀眾交流等各方面均已大有進步。
至於黃國英能否成為「財經界黃子華」?方也夠坦白:「要同黃子華比當然差好遠，但喺財經界有機會嘅，去執下喇!」