歐智華好腳頭 匯控價硬淨

【明報專訊】匯控（0005）近日升勢凌厲，由2011年開始股價一直企硬喺80蚊樓上，差不多仲創埋一年新高，90蚊可謂指日可待。市場分析股民憧憬新CEO歐智華令集團業務有較大起色喎。小琴未知歐智華家手頭上有咩計劃，但按中國人講法佢嘅腳頭都算係幾好，今個星期主席范智廉仲會飛嚟香港主持董事會會議，唔知會唔會再讓股價飛呢？

歐智華啱啱先喺今個星期首次以行政總裁身分，喺香港主持集團管理委員會會議，本周都會留喺香港，除咗悶到痺嘅開會之外，歐智華都不忘趁青春留倩影，見大好天氣，忍唔住喺維多利亞港前拍返張甫士（pose）相。嚟緊歐智華都會坐鎮香港，隨時喺中環匯豐總行附近出現，匯控小股東不妨認住佢個樣，到時或者可以親身問吓佢集團表現呢！