新聞類別
財經
詳情#
【蘋果日報】【財經人物】寫投資的書，坊間有很多。自稱股神的人，也不少。
但能夠將辦公室改裝成股票收藏室，將數千張股票封箱，再以字母分門別類，方便翻查，相信只此一人。
投資股票三十年的Henry Chan，白手興家，小時候一家八口住板間房，典型的獅子山下故事。由買第一隻股票置地開始，他從較冷門的供股中參透搵錢秘訣，進而在股票市場，以各種投資工具賺錢：藍籌、細價股、莊家股、供股，及近年賺得最多的新股。每一類，他都有自己的獨門理解。
高手藏身民間，Henry不介意分享投資秘笈；因為他認為，年輕人不能成為另一個自己，也應當在這個買不起樓的年代，學識理財為財富增值，作為未來生活的保障。
記者：區嘉儀 余曉芸
攝影：晉平安 鄭佳傑
「滙豐H嘛（編按：Hsbc），要搵下，呢度我哋排字母嘅。」「C就人壽（編按：Chinalife），摷下佢先。」「原來長江實業都喺度……」「招商呢度，慢慢執出嚟，沽咗佢！」眼前是一片股海，Henry也顯得茫然。在他灣仔的辦公室，放滿一個個紙皮箱，內裏是他分門別類安放的股票，「都係多到唔記得㗎喇！」他枱頭另放有一叠厚厚的股息收據，相信去年收息已過百萬元。
Henry是白手興家，住板間房，中學畢業後沒錢，只能日間在會計師樓做學徒，晚間供自己讀大專，無錢交學費時還要搵人借。其間與學校恩師研究炒股心得，「我第一隻買嘅股票係藍籌置地。」戰績慘敗，但從此愛上投資。為他帶來第一桶金的，除了炒股，還有「供股」。
在「供股大王」手上賺錢
話說，早年股壇有種完全合法、低成本及零風險的供碎股方法。有投資者睇穿上市公司的「碎股額外供股可獲優先處理」機制。為方便持碎股的股東在市場買賣，上市公司會額外派發他們足一手的股份。投資者為此「斬碎」股票供股，而由於供股價往往較市價折讓，通常大有斬獲。例如中國財險（2328），因常要湊足資本充足比率而多次供股，曾試過市價10.2元，供股價5.38元，近乎半價。
「幾十年前初出道，供了隻川河，一賺就8萬蚊！當日我第一層三百呎樓，都只係要23.5萬。」手頭的大量股票，日積月累，就是這樣賺回來。現時他仍有做供股，這些公司通常急需資金兼在股價低位，供股價有一定折讓，Henry利用這價格低潮投資有潛質的公司。
對他來說，最刺激是曾在「供股大王」官永義手上賺錢。當年他趁永義實業（616）98%貨源歸邊時跟供，結果股價爆升，回報九十幾倍。「好彩箒，長遠褲都俾佢除埋！」Henry曾在莊友堅的關連公司身上輸過，如當年的福方（885）、合一（913），為此這些「玩家股」，Henry都為自己製作一幅關係圖，從此遠離。
長揸股票要睇揸弗人
他將每次賺回來的股票以實貨持有，因已經是零成本，留來緊貼市場脈搏。而且，「股票放經紀行要畀好貴手續費！尤其滙豐一年派四次息，要存倉費，收股息又要手續費。仲有以前啲H股，用自己名持有就唔使畀10%股息稅。」所以說，有錢佬都是慳回來的。
Henry也長揸有息收的藍籌，揀股秘訣得一個：睇揸弗人。「我睇中就長揸，直至該公司改變策略才再檢討。好似投資和記，因係李嘉誠揸旗，就是買佢眼光獨到睇得準。但李嘉誠離開，時代已經終結，咁落到下一代擔大旗，係咪仲好似李生咁有眼光呢？」（會否沽長實？)「你見我執咗出嚟，準備沽出去！」(你唔信佢個仔會做得好？)「吓！你估得唔得呀？」
AI炒股年代 多程式盤
他補充：「等於佢個仔之前做總經理operate間公司，可以好妥當，但講到要帶領間公司向前行，再創另一新高峰，我都想知得唔得。我揸住只當係定息工具，未來動力肯定是改變人類生活的新科技，不是長實。」
2009年，Henry曾與李嘉誠細仔李澤楷交手，當時Henry以電盈（008）小股東身份，在庭上就電盈私有化一事發言。他指：「如果種票無問題，那不如法庭讓我們再投票去種票反對!」惹來庭內一眾小股東拍掌叫好。
近年，Henry覺得股票越來越難玩，「現在市場行得太快，已經進入AI炒股年代，用晒程式盤買賣。大陸資金都係，你一沽佢連質幾個位，一買佢又連掃幾個位等你買高啲。未來市場速度變化太快，跌市三日搞掂。」不過他認為恒指現時市盈率約十二倍，息率三厘多，末來只會大上大落，未必出現崩潰式下跌，除非貿易戰引發金融海嘯及經濟衰退，所以需炒股不炒市。近來股市波動，將手頭資金轉買高息債劵，亦是不俗選擇。
Henry有投資內房的企業債，貪其十多厘高息。「好似恒大債券，及以前新世界中國，都十幾厘息。如果你經private bank，唔會介紹呢啲嘢，佢地會話：『呢隻唔好買，會執笠呀！』」但他分析說：「只要識揀，越高息嘅越買！反正Banker都唔會分析到死邊隻先。例如投資五隻，每隻二十萬蚊，頭兩年唔會執笠，收咗息先，之後就算執一隻，已經摸和。肯定唔會五隻執晒，埋單計數，都係賺凸。」精明的他再補充：「仲有債券和藍籌可以借錢，你需要融資時，可以攞去同銀行抵押。」
對於現時年輕人缺乏上流途徑，Henry認為要學懂投資保障自己。「近年向上游機會低咗，職業亦未必咁多位你上，創業發達又難，所以一定要識投資。一個好投資，往往可以改變一生命運。窮唔緊要，窮先會激發鬥志。」他續說：「你第一件事是要武裝自己，學會留意時事，關心財經，最基本條件你要學識。跟着就可實踐，體驗每種投資工具，感受市場。每次失敗會令你加強對投資認識，亦是邁向成功之路的鎖匙。」
但能夠將辦公室改裝成股票收藏室，將數千張股票封箱，再以字母分門別類，方便翻查，相信只此一人。
投資股票三十年的Henry Chan，白手興家，小時候一家八口住板間房，典型的獅子山下故事。由買第一隻股票置地開始，他從較冷門的供股中參透搵錢秘訣，進而在股票市場，以各種投資工具賺錢：藍籌、細價股、莊家股、供股，及近年賺得最多的新股。每一類，他都有自己的獨門理解。
高手藏身民間，Henry不介意分享投資秘笈；因為他認為，年輕人不能成為另一個自己，也應當在這個買不起樓的年代，學識理財為財富增值，作為未來生活的保障。
記者：區嘉儀 余曉芸
攝影：晉平安 鄭佳傑
「滙豐H嘛（編按：Hsbc），要搵下，呢度我哋排字母嘅。」「C就人壽（編按：Chinalife），摷下佢先。」「原來長江實業都喺度……」「招商呢度，慢慢執出嚟，沽咗佢！」眼前是一片股海，Henry也顯得茫然。在他灣仔的辦公室，放滿一個個紙皮箱，內裏是他分門別類安放的股票，「都係多到唔記得㗎喇！」他枱頭另放有一叠厚厚的股息收據，相信去年收息已過百萬元。
Henry是白手興家，住板間房，中學畢業後沒錢，只能日間在會計師樓做學徒，晚間供自己讀大專，無錢交學費時還要搵人借。其間與學校恩師研究炒股心得，「我第一隻買嘅股票係藍籌置地。」戰績慘敗，但從此愛上投資。為他帶來第一桶金的，除了炒股，還有「供股」。
在「供股大王」手上賺錢
話說，早年股壇有種完全合法、低成本及零風險的供碎股方法。有投資者睇穿上市公司的「碎股額外供股可獲優先處理」機制。為方便持碎股的股東在市場買賣，上市公司會額外派發他們足一手的股份。投資者為此「斬碎」股票供股，而由於供股價往往較市價折讓，通常大有斬獲。例如中國財險（2328），因常要湊足資本充足比率而多次供股，曾試過市價10.2元，供股價5.38元，近乎半價。
「幾十年前初出道，供了隻川河，一賺就8萬蚊！當日我第一層三百呎樓，都只係要23.5萬。」手頭的大量股票，日積月累，就是這樣賺回來。現時他仍有做供股，這些公司通常急需資金兼在股價低位，供股價有一定折讓，Henry利用這價格低潮投資有潛質的公司。
對他來說，最刺激是曾在「供股大王」官永義手上賺錢。當年他趁永義實業（616）98%貨源歸邊時跟供，結果股價爆升，回報九十幾倍。「好彩箒，長遠褲都俾佢除埋！」Henry曾在莊友堅的關連公司身上輸過，如當年的福方（885）、合一（913），為此這些「玩家股」，Henry都為自己製作一幅關係圖，從此遠離。
長揸股票要睇揸弗人
他將每次賺回來的股票以實貨持有，因已經是零成本，留來緊貼市場脈搏。而且，「股票放經紀行要畀好貴手續費！尤其滙豐一年派四次息，要存倉費，收股息又要手續費。仲有以前啲H股，用自己名持有就唔使畀10%股息稅。」所以說，有錢佬都是慳回來的。
Henry也長揸有息收的藍籌，揀股秘訣得一個：睇揸弗人。「我睇中就長揸，直至該公司改變策略才再檢討。好似投資和記，因係李嘉誠揸旗，就是買佢眼光獨到睇得準。但李嘉誠離開，時代已經終結，咁落到下一代擔大旗，係咪仲好似李生咁有眼光呢？」（會否沽長實？)「你見我執咗出嚟，準備沽出去！」(你唔信佢個仔會做得好？)「吓！你估得唔得呀？」
AI炒股年代 多程式盤
他補充：「等於佢個仔之前做總經理operate間公司，可以好妥當，但講到要帶領間公司向前行，再創另一新高峰，我都想知得唔得。我揸住只當係定息工具，未來動力肯定是改變人類生活的新科技，不是長實。」
2009年，Henry曾與李嘉誠細仔李澤楷交手，當時Henry以電盈（008）小股東身份，在庭上就電盈私有化一事發言。他指：「如果種票無問題，那不如法庭讓我們再投票去種票反對!」惹來庭內一眾小股東拍掌叫好。
近年，Henry覺得股票越來越難玩，「現在市場行得太快，已經進入AI炒股年代，用晒程式盤買賣。大陸資金都係，你一沽佢連質幾個位，一買佢又連掃幾個位等你買高啲。未來市場速度變化太快，跌市三日搞掂。」不過他認為恒指現時市盈率約十二倍，息率三厘多，末來只會大上大落，未必出現崩潰式下跌，除非貿易戰引發金融海嘯及經濟衰退，所以需炒股不炒市。近來股市波動，將手頭資金轉買高息債劵，亦是不俗選擇。
Henry有投資內房的企業債，貪其十多厘高息。「好似恒大債券，及以前新世界中國，都十幾厘息。如果你經private bank，唔會介紹呢啲嘢，佢地會話：『呢隻唔好買，會執笠呀！』」但他分析說：「只要識揀，越高息嘅越買！反正Banker都唔會分析到死邊隻先。例如投資五隻，每隻二十萬蚊，頭兩年唔會執笠，收咗息先，之後就算執一隻，已經摸和。肯定唔會五隻執晒，埋單計數，都係賺凸。」精明的他再補充：「仲有債券和藍籌可以借錢，你需要融資時，可以攞去同銀行抵押。」
對於現時年輕人缺乏上流途徑，Henry認為要學懂投資保障自己。「近年向上游機會低咗，職業亦未必咁多位你上，創業發達又難，所以一定要識投資。一個好投資，往往可以改變一生命運。窮唔緊要，窮先會激發鬥志。」他續說：「你第一件事是要武裝自己，學會留意時事，關心財經，最基本條件你要學識。跟着就可實踐，體驗每種投資工具，感受市場。每次失敗會令你加強對投資認識，亦是邁向成功之路的鎖匙。」
回應 (0)
