新聞類別
港聞
詳情#
【蘋果日報】【社會熱話】上月底，79歲的吳婆婆晚上在深水埗桂林街擺賣時，被食環署人員票控「非法擺賣」雜物，並遭至少15名警察包圍。堅拒離開的婆婆最終哭着被抬上警車，貨品亦被充公。其間，有警員反擊批評的途人：「係咪80歲犯法都得呀依家？」
記者最近重返深水埗午夜墟，發現像吳婆婆一樣的例子多不勝數，這裏幾乎每晚都上演着貓捉老鼠的遊戲。小販們不惜鋌而走險，原因其實只有一個：「都係為啖苦飯啫！」
記者：陳芷昕
「我嘅標語：努力向上。噚日做到兩點先走呀，唔做點交租？棺材房都要幾千蚊呀。」
快要晚上9時正，深水埗北河街街市已關上鐵閘，附近一帶的小販排檔亦已打烊，幾個老伯聚在一個檔口旁，抽着香煙說笑，逗弄着毛茸茸的流浪狗。60多歲的方姐推着滿載帆布袋的手推車，看看周圍，然後把袋中的時鐘、碗碟和環保袋等逐一擺放在街市前的馬路上──
「請勿非法擺賣，否則會被檢控。」從鴨寮街傳來揚聲器的廣播，方姐往前一看，只見10來個食環署人員步步逼近。小販趕忙推走手推車，嘀咕着：「唔怪得今日條街冇人擺嘢……」
方姐不慌不忙用布把雜物蓋起來，靜靜坐着。食環署人員馬上各就各位，有的拿手機對着方姐錄影，有的拿着筆記簿抄錄，一人走上前說：「幫你計時呀，你如果堅持喺度，陣間就執晒你啲嘢。」方姐重新把雜物放回袋中。良久，食環署人員悄然離開北河街，向汝州街進發。
「噚日都係咁呀，今日好似特別多。十點後啦，等佢哋走咗先。」方姐說完，拿着剛才熟客從附近餐廳賣剩送她的葱油餅，大口吃着。「好香呀，好多芝麻。」她吃完一塊，還剩下一塊，她問記者：「你肚唔肚餓呀？食唔食？」記者婉拒，她把膠袋打結，將那一塊葱油餅留作消夜。
方姐獨自一人在深水埗劏房生活，早上在酒店做清潔工，晚上在深水埗的午夜墟擺地攤，一擺已是17年。除了刮風下雨，她每天晚上8時多就會推着手推車前來，在路邊放一塊3呎乘3呎的尼龍布，再把車上的雜物逐一放在布上販賣。她的地攤像叮噹的百寶袋一樣應有盡有，有些是她付錢收來的，有些是街坊、熟客和慈善團體免費贈送的。10時至12時是午夜墟最旺的時間，生意較好時，她一晚可賺上100元。
可是近年食環署人員開始在深水埗一帶加緊執法，掃蕩無牌小販，讓方姐大呼搵食艱難：「以前冇人管我哋，冇人趕我哋，都可能搵到多少嘅。依家趕盡殺絕，搵唔到食㗎啦。」
記者好奇問方姐為何不申請綜援，方姐唏噓回答：「你話申請就申請到咩。」她給記者看了看她社交媒體的個人簡介：「我嘅標語：努力向上。噚日做到兩點先走呀，唔做點交租？棺材房都要幾千蚊呀。」
「自從佢哋咁掃街，你睇吓周圍啲餐廳跌咗幾成？冇我哋晚晚出嚟食飯，大家都少咗收入。」
在北河街與鴨寮街交界，一輛大型貨車停泊在馬路邊，10多人圍在車後。記者趕忙過去一同湊熱鬧，赫然發現車倉內和車板上堆滿了各式各樣的貨物，像個流動陳列室一樣。當中大部分都是二手或翻版球鞋、皮袋和家庭電器，車板上特別引人注目的，是一個古董木擺設。
「大南街嗰啲兄弟就話呢個係小葉紫藤，有啲又話係沉水檀香，有個喺佛山落嚟嘅就話係黃木梨。12公斤重，有啲畀6,000蚊我都未賣。我唔X知你賣到幾多萬，亦唔知你點運去大陸啦，有啲就話綁起佢、搵個網撈出去公海度……」
半蹲在貨倉內的小販強哥（化名）「應酬」完包圍着木古董的幾位大叔後，馬上又向把玩着翻版LV手袋的南亞裔女士說：「呢個four hundred呀，are you ok？You want how much？」
強哥雖然只是年過40，在午夜墟中屬於年輕的一群，但他從事小販的年資卻可能是眾人之冠。「我老竇老母都係做小販，以前喺大南街擺檔。一開頭推手推車，做做吓就貨van，07年就轉貨車。」自稱「讀得書少」的強哥繼承衣鉢10多年，靠着一輛貨車走天涯，養大了分別正就讀大學、中學和幼稚園的3個女兒。
強哥賣的貨品跟其他午夜墟地攤比起來更「奢華」，從30元的波鞋至幾千元的古董不等。原來他同時也是「收買佬」，「有地產佬叫我哋清唐樓、村屋，咁咪拎到呢堆貨囉，全部都要本㗎。有啲賺50，有啲賺100咁。」
強哥指他們一眾小販其實很環保：「呢堆舊書、CD全部拎去堆填，堆到幾多先？係咪好快爆呀？」
昔日未遭食環署人員大力打壓時，強哥形容做小販好過打份工：「以前大南街街市一走，我哋就入位。7點開工，擺到9點、10點，搵到8、9嚿我就收工打麻雀啦。第二日又可以湊吓仔女返學放學、管接管送，晏晝又可以瞓幾個鐘。好過打份工得2萬幾蚊一個月！」這份「筍工」，很多小販一做就是十多廿年，「好似鴨寮街嗰邊個婆婆做到老，上個月先死咗」。
強哥依稀記得自前年起，深水埗午夜墟成為食環署人員的重點目標，但他不清楚緣由：「好似係有啲議員嫌條街污糟喎。咁你覺得我哋係咪好污糟呀？我哋都係身光頸靚。」他微微冷笑，「佢哋最好就想條街冇人、冇夜冷、咩都冇，天下太平」。強哥嘲笑食環署打壓小販的行徑，是破壞了整個深水埗的生態平衡，「自從佢哋咁掃街，你睇吓周圍啲餐廳跌咗幾成？冇我哋晚晚出嚟食飯，大家都少咗收入」。
但最讓強哥氣憤的，不是收入大跌，而是食環署人員驅趕的態度。「上次走鬼，食環掃晒我堆電話、波鞋。當時有個阿伯特登由天水圍搵我拎把樂聲（風扇）。我同阿Sir講：『攞還攞，唔好嚇親佢。』佢一手推開阿伯，我咪鬧X個職員囉。」
強哥指深水埗的小販都只是想「搵啖苦飯食」，現在屢遭驅趕，已怨聲四起。「我聽啲南亞裔講，再咁搞落去就搵議員，但都唔知可以搵邊個？」
「連乞兒都有500蚊，我哋呢？到有全民退保時我哋都上天堂啦。」
接近晚上11時，鴨寮街依然人潮洶湧，不少人拿着小電筒往地攤照，希望從林林總總的雜物中覓得心頭好。倏然，幾個街坊從前方走來，向小販通風報訊：「小心呀，又嚟啦。」幾乎同一時間，數個食環署人員不知從何處冒出來，再次拿起揚聲器，呼叫在場小販離開。
69歲的梁婆婆開始逐一把地攤上的碗碟、玩偶、舊書等雜物收回帆布袋中。「佢嗌收檔啦，仲擺咩呀，依家佢好快返轉頭㗎，執晒你啲嘢你就冇得賣啦，又要上堂，又要罰1,500蚊，好攞命㗎！」
原來梁婆婆也是過來人，3個月前她才被食環署人員抓個正着，現正等待當局確認上庭時間。
「我哋冇本事，手慢腳慢，有時執嘢冇咁快趣。市政（食環署人員）就話：『你執唔執㗎，唔執我同你執㗎啦。』5分鐘一清就清晒所有嘢啦。」
為躲避食環署人員捉拿，梁婆婆逐漸學會應對「戰術」。「一見到人，即刻扯起地布，收起啲貨，搵塊布遮一遮，收埋一、二邊。」但她又指，近來食環署人員掃蕩越來越「快、狠、準」，舊策略已開始不管用，不少小販都要發明新招數。「有啲小販將貨擺喺BB車，市政一嚟，即刻搵塊布蓋喺車上面，扮推BB車」。
梁婆婆是番禺人，自八二年來港，一直做酒店洗碗，與丈夫一同合力養育一子一女。自她年滿65歲後，她不再獲酒店續約。丈夫離世、子女離家的梁婆婆一人在深水埗生活，清晨在天光墟擺地攤，販賣街坊免費送她的舊物。之後執拾紙皮，晚上6、7時再推手推車到午夜墟。她靠每月2、3千元收入和生果金，勉強足以維持生計。只是近來，生意越來越難做。
「其實邊個想咁樣拋頭露面？我哋都知咁係犯法，有時都會驚影響到人，就細聲啲、企理啲。市政都係打份工，以前我對佢哋都冇咩不滿。」她邊向街坊兜售地攤上標價10元一個的二手「古董」青花瓷碗邊說：「但依家日日咁搞，真係冇心臟病都搞到有。連乞兒都有500蚊，我哋呢？到有全民退保時我哋都上天堂啦。」
「執嘢啦婆婆，要走啦。」一直站在梁婆婆旁邊的食環署人員適時提醒。
梁婆婆收着收着，5個帆布袋逐漸填滿。瘦小的她拖着傴僂身軀，深吸一口氣，把帆布袋抬上手推車，再用麻繩把袋子綁好，街上遺下一隻有裂痕的砂鍋。「冇啦，裂咗。」她把砂鍋丟進垃圾桶。「地上唔要嘅都要丟走，如果唔係又俾人拉㗎啦。」梁婆婆推着手推車緩緩地走，逐漸遠去。
記者最近重返深水埗午夜墟，發現像吳婆婆一樣的例子多不勝數，這裏幾乎每晚都上演着貓捉老鼠的遊戲。小販們不惜鋌而走險，原因其實只有一個：「都係為啖苦飯啫！」
記者：陳芷昕
「我嘅標語：努力向上。噚日做到兩點先走呀，唔做點交租？棺材房都要幾千蚊呀。」
快要晚上9時正，深水埗北河街街市已關上鐵閘，附近一帶的小販排檔亦已打烊，幾個老伯聚在一個檔口旁，抽着香煙說笑，逗弄着毛茸茸的流浪狗。60多歲的方姐推着滿載帆布袋的手推車，看看周圍，然後把袋中的時鐘、碗碟和環保袋等逐一擺放在街市前的馬路上──
「請勿非法擺賣，否則會被檢控。」從鴨寮街傳來揚聲器的廣播，方姐往前一看，只見10來個食環署人員步步逼近。小販趕忙推走手推車，嘀咕着：「唔怪得今日條街冇人擺嘢……」
方姐不慌不忙用布把雜物蓋起來，靜靜坐着。食環署人員馬上各就各位，有的拿手機對着方姐錄影，有的拿着筆記簿抄錄，一人走上前說：「幫你計時呀，你如果堅持喺度，陣間就執晒你啲嘢。」方姐重新把雜物放回袋中。良久，食環署人員悄然離開北河街，向汝州街進發。
「噚日都係咁呀，今日好似特別多。十點後啦，等佢哋走咗先。」方姐說完，拿着剛才熟客從附近餐廳賣剩送她的葱油餅，大口吃着。「好香呀，好多芝麻。」她吃完一塊，還剩下一塊，她問記者：「你肚唔肚餓呀？食唔食？」記者婉拒，她把膠袋打結，將那一塊葱油餅留作消夜。
方姐獨自一人在深水埗劏房生活，早上在酒店做清潔工，晚上在深水埗的午夜墟擺地攤，一擺已是17年。除了刮風下雨，她每天晚上8時多就會推着手推車前來，在路邊放一塊3呎乘3呎的尼龍布，再把車上的雜物逐一放在布上販賣。她的地攤像叮噹的百寶袋一樣應有盡有，有些是她付錢收來的，有些是街坊、熟客和慈善團體免費贈送的。10時至12時是午夜墟最旺的時間，生意較好時，她一晚可賺上100元。
可是近年食環署人員開始在深水埗一帶加緊執法，掃蕩無牌小販，讓方姐大呼搵食艱難：「以前冇人管我哋，冇人趕我哋，都可能搵到多少嘅。依家趕盡殺絕，搵唔到食㗎啦。」
記者好奇問方姐為何不申請綜援，方姐唏噓回答：「你話申請就申請到咩。」她給記者看了看她社交媒體的個人簡介：「我嘅標語：努力向上。噚日做到兩點先走呀，唔做點交租？棺材房都要幾千蚊呀。」
「自從佢哋咁掃街，你睇吓周圍啲餐廳跌咗幾成？冇我哋晚晚出嚟食飯，大家都少咗收入。」
在北河街與鴨寮街交界，一輛大型貨車停泊在馬路邊，10多人圍在車後。記者趕忙過去一同湊熱鬧，赫然發現車倉內和車板上堆滿了各式各樣的貨物，像個流動陳列室一樣。當中大部分都是二手或翻版球鞋、皮袋和家庭電器，車板上特別引人注目的，是一個古董木擺設。
「大南街嗰啲兄弟就話呢個係小葉紫藤，有啲又話係沉水檀香，有個喺佛山落嚟嘅就話係黃木梨。12公斤重，有啲畀6,000蚊我都未賣。我唔X知你賣到幾多萬，亦唔知你點運去大陸啦，有啲就話綁起佢、搵個網撈出去公海度……」
半蹲在貨倉內的小販強哥（化名）「應酬」完包圍着木古董的幾位大叔後，馬上又向把玩着翻版LV手袋的南亞裔女士說：「呢個four hundred呀，are you ok？You want how much？」
強哥雖然只是年過40，在午夜墟中屬於年輕的一群，但他從事小販的年資卻可能是眾人之冠。「我老竇老母都係做小販，以前喺大南街擺檔。一開頭推手推車，做做吓就貨van，07年就轉貨車。」自稱「讀得書少」的強哥繼承衣鉢10多年，靠着一輛貨車走天涯，養大了分別正就讀大學、中學和幼稚園的3個女兒。
強哥賣的貨品跟其他午夜墟地攤比起來更「奢華」，從30元的波鞋至幾千元的古董不等。原來他同時也是「收買佬」，「有地產佬叫我哋清唐樓、村屋，咁咪拎到呢堆貨囉，全部都要本㗎。有啲賺50，有啲賺100咁。」
強哥指他們一眾小販其實很環保：「呢堆舊書、CD全部拎去堆填，堆到幾多先？係咪好快爆呀？」
昔日未遭食環署人員大力打壓時，強哥形容做小販好過打份工：「以前大南街街市一走，我哋就入位。7點開工，擺到9點、10點，搵到8、9嚿我就收工打麻雀啦。第二日又可以湊吓仔女返學放學、管接管送，晏晝又可以瞓幾個鐘。好過打份工得2萬幾蚊一個月！」這份「筍工」，很多小販一做就是十多廿年，「好似鴨寮街嗰邊個婆婆做到老，上個月先死咗」。
強哥依稀記得自前年起，深水埗午夜墟成為食環署人員的重點目標，但他不清楚緣由：「好似係有啲議員嫌條街污糟喎。咁你覺得我哋係咪好污糟呀？我哋都係身光頸靚。」他微微冷笑，「佢哋最好就想條街冇人、冇夜冷、咩都冇，天下太平」。強哥嘲笑食環署打壓小販的行徑，是破壞了整個深水埗的生態平衡，「自從佢哋咁掃街，你睇吓周圍啲餐廳跌咗幾成？冇我哋晚晚出嚟食飯，大家都少咗收入」。
但最讓強哥氣憤的，不是收入大跌，而是食環署人員驅趕的態度。「上次走鬼，食環掃晒我堆電話、波鞋。當時有個阿伯特登由天水圍搵我拎把樂聲（風扇）。我同阿Sir講：『攞還攞，唔好嚇親佢。』佢一手推開阿伯，我咪鬧X個職員囉。」
強哥指深水埗的小販都只是想「搵啖苦飯食」，現在屢遭驅趕，已怨聲四起。「我聽啲南亞裔講，再咁搞落去就搵議員，但都唔知可以搵邊個？」
「連乞兒都有500蚊，我哋呢？到有全民退保時我哋都上天堂啦。」
接近晚上11時，鴨寮街依然人潮洶湧，不少人拿着小電筒往地攤照，希望從林林總總的雜物中覓得心頭好。倏然，幾個街坊從前方走來，向小販通風報訊：「小心呀，又嚟啦。」幾乎同一時間，數個食環署人員不知從何處冒出來，再次拿起揚聲器，呼叫在場小販離開。
69歲的梁婆婆開始逐一把地攤上的碗碟、玩偶、舊書等雜物收回帆布袋中。「佢嗌收檔啦，仲擺咩呀，依家佢好快返轉頭㗎，執晒你啲嘢你就冇得賣啦，又要上堂，又要罰1,500蚊，好攞命㗎！」
原來梁婆婆也是過來人，3個月前她才被食環署人員抓個正着，現正等待當局確認上庭時間。
「我哋冇本事，手慢腳慢，有時執嘢冇咁快趣。市政（食環署人員）就話：『你執唔執㗎，唔執我同你執㗎啦。』5分鐘一清就清晒所有嘢啦。」
為躲避食環署人員捉拿，梁婆婆逐漸學會應對「戰術」。「一見到人，即刻扯起地布，收起啲貨，搵塊布遮一遮，收埋一、二邊。」但她又指，近來食環署人員掃蕩越來越「快、狠、準」，舊策略已開始不管用，不少小販都要發明新招數。「有啲小販將貨擺喺BB車，市政一嚟，即刻搵塊布蓋喺車上面，扮推BB車」。
梁婆婆是番禺人，自八二年來港，一直做酒店洗碗，與丈夫一同合力養育一子一女。自她年滿65歲後，她不再獲酒店續約。丈夫離世、子女離家的梁婆婆一人在深水埗生活，清晨在天光墟擺地攤，販賣街坊免費送她的舊物。之後執拾紙皮，晚上6、7時再推手推車到午夜墟。她靠每月2、3千元收入和生果金，勉強足以維持生計。只是近來，生意越來越難做。
「其實邊個想咁樣拋頭露面？我哋都知咁係犯法，有時都會驚影響到人，就細聲啲、企理啲。市政都係打份工，以前我對佢哋都冇咩不滿。」她邊向街坊兜售地攤上標價10元一個的二手「古董」青花瓷碗邊說：「但依家日日咁搞，真係冇心臟病都搞到有。連乞兒都有500蚊，我哋呢？到有全民退保時我哋都上天堂啦。」
「執嘢啦婆婆，要走啦。」一直站在梁婆婆旁邊的食環署人員適時提醒。
梁婆婆收着收着，5個帆布袋逐漸填滿。瘦小的她拖着傴僂身軀，深吸一口氣，把帆布袋抬上手推車，再用麻繩把袋子綁好，街上遺下一隻有裂痕的砂鍋。「冇啦，裂咗。」她把砂鍋丟進垃圾桶。「地上唔要嘅都要丟走，如果唔係又俾人拉㗎啦。」梁婆婆推着手推車緩緩地走，逐漸遠去。
回應 (0)
