稱若知與張愛玲並列　或拒當推介作家 Middle被指執二攤「有啲嬲 唔開心」

【蘋果日報】【2018書展】今年香港書展以愛情文學為主題，推介了十位作家為代表。十人之中有已故的著名女小說家張愛玲，有香港著作無數的亦舒，亦有不見經傳的原網絡作家Middle。書展主辦單位推介名單惹來質疑，當事人Middle昨日應邀演講，禁止記者攝錄。對於與經典作家齊名，他這樣回應：「如果知道有張愛玲，我可能未必會應承（列為推介作家）。」
記者︰李思穎
書展昨日以「錯過的意義」為題邀請Middle主講。講座十分保密，不准現場人士拍照和錄影。他分享時亦選擇戴上黑色鴨嘴帽和藍色口罩，身穿藍色襯衫，在場人士也難睹其真面目。講座吸引數十名讀者前來。現場較多為年輕女性，亦不乏男讀者的捧場，由10多歲青春少女，至40多歲的中年大叔也是座上客。
日前有報道引述負責挑選書展推介作家的顧問團成員，表示作家張小嫻和李碧華婉拒擔任推介作家，Middle在第二輪才獲提名，以替補空缺位置。他在講座上被問及對替補事件的看法，表示看到新聞後覺得「有啲嬲、唔開心」。他指，貿發局高層事後向其稱有誤會，「仲同我解釋，亦有道歉，我就覺得都係算啦」。
嘆港閱讀文化薄弱
他指，答應成為十大推介作家前並不知道實際名單，「名單出咗，我見到張愛玲個名時，我都O咗嘴」，指「如果知道有張愛玲，我可能未必會應承」。他說，經過連串事件，自己亦有所成長，「下次應承嘢時會再留心小小，特別喺聽落去好似好好嘅事」。
對於旁人批評，他說無論正、負面的評語都會一一觀看，「唔睇人哋批評，又點會進步？」他說明白各人有喜好，自言不是鑽研文字的人，書寫愛情小說以抒發感受為主。
在講座上，他除了談及寫作的苦與樂，亦慨嘆香港閱讀風氣薄弱，「出書唔等同facebook，唔係facebook上面有幾多個likes，就有幾多個人買你本書」。他又指曾到馬來西亞與讀者交流時，問及當地讀者對香港的新興作家的認識，「佢哋竟然答蘇民峰，因為睇運程書」。他希望貿發局能多投放資源，宣傳香港作家，讓廣東話文化有更多人認識。
香港書展進入尾聲，今日重點節目有詞人鄭國江的講座，主題是「我的創作路──由流行曲到粵劇」。宋以朗、馮睎乾則會分享張愛玲生前的三個秘密。