新聞類別
娛樂
詳情#
【蘋果日報】俄羅斯世界盃曲終人散，賽前大部份人睇好兩大球王C朗同美斯分別帶領嘅葡萄牙同阿根廷，有望喺今屆世界盃有一定成績，只可惜兩隊波一齊喺16強就黯然出局。兩位年過三十嘅當代球王，始終跟世界盃無緣，最遺憾係今屆亦好有可能係佢地嘅最後一屆。眼見麥巴比、基沙文、普巴、夏薩特等新人湧現，C朗同美斯卻開始步入中年，更令人覺得歲月嘅無情。《蘋果動搞作》炮製了這隻世盃動畫，希望世人能記得兩位當代球王的光輝歷史。
2041年8月21日，晴。
今日Daddy忽然間帶我參觀足球歷史博物館，佢話歷史唔應該遺忘同扭曲，所以帶我嚟見識，等我了解足球history。我覺得係佢想嚟多啲呢。To be honest，足球我真係唔係咁like，大熱天時身水身汗，追住個波跑嚟跑去，唔覺意跌親仲會整損手腳。所以我都係鍾意喺屋企玩VR足球game多啲。不過見到Daddy好似好想去，場館又有冷氣，咁就陪佢去啦！
一入場館就見到幾尊大型銅像，聽Daddy講都係當代球王，比利啦、馬勒當拿啦，仲有個好似叫碧根鮑魚。Daddy話，佢細細個已經聽過朗拿度、施丹同保方個名，whatever啦，今日已經變晒伯伯，所以我根本都聽唔入耳。
「Daddy，我隊classic都冇佢哋啦！」
Daddy見我淨係掛住玩VR，冇心機聽佢講history，好似唔多happy，我唯有扮專心啦。好彩行咗幾個圈，見到面前有幅大poster，相中人終於係我識嘅。
「我知我知，我啲classmates叫佢美欺，最叻就係喺球場散步！」
「呢個丙朗嘛，射罰球會休高條褲，懶型嘅豬頭丙！」
見到Daddy嬲嬲豬咁面望住我，唔通我又講錯嘢？
「我第一次睇世界盃，都係大約你呢個年紀……你戴上眼鏡先，試吓感受佢哋當年嘅風采……」
咁我睇番2018年嘅世界盃嘅video。原來，美斯叔叔唔係散步㗎，係跑到冇力先要跪喺地；C朗叔叔亦唔係得個樣，可惜都係輸畀我哋烏拉圭。Daddy話，C朗同美斯其實已經超越咗自己，征服咗世界，只係敵唔過歲月喎。佢話呢個就係人生嘞。
我唔肯定明唔明Daddy講嘅嘢，但呢一刻，我幾肯定我鍾意咗足球。
「我會畀心機踢波㗎啦，第日要叻過Daddy同爺爺！」
喺C朗館嘅盡頭，擺咗張好大嘅poster，下面寫住：「卡雲尼：他是我永遠的偶像。」
哈哈，原來爺爺都喺度呀。
完
2041年8月21日，晴。
今日Daddy忽然間帶我參觀足球歷史博物館，佢話歷史唔應該遺忘同扭曲，所以帶我嚟見識，等我了解足球history。我覺得係佢想嚟多啲呢。To be honest，足球我真係唔係咁like，大熱天時身水身汗，追住個波跑嚟跑去，唔覺意跌親仲會整損手腳。所以我都係鍾意喺屋企玩VR足球game多啲。不過見到Daddy好似好想去，場館又有冷氣，咁就陪佢去啦！
一入場館就見到幾尊大型銅像，聽Daddy講都係當代球王，比利啦、馬勒當拿啦，仲有個好似叫碧根鮑魚。Daddy話，佢細細個已經聽過朗拿度、施丹同保方個名，whatever啦，今日已經變晒伯伯，所以我根本都聽唔入耳。
「Daddy，我隊classic都冇佢哋啦！」
Daddy見我淨係掛住玩VR，冇心機聽佢講history，好似唔多happy，我唯有扮專心啦。好彩行咗幾個圈，見到面前有幅大poster，相中人終於係我識嘅。
「我知我知，我啲classmates叫佢美欺，最叻就係喺球場散步！」
「呢個丙朗嘛，射罰球會休高條褲，懶型嘅豬頭丙！」
見到Daddy嬲嬲豬咁面望住我，唔通我又講錯嘢？
「我第一次睇世界盃，都係大約你呢個年紀……你戴上眼鏡先，試吓感受佢哋當年嘅風采……」
咁我睇番2018年嘅世界盃嘅video。原來，美斯叔叔唔係散步㗎，係跑到冇力先要跪喺地；C朗叔叔亦唔係得個樣，可惜都係輸畀我哋烏拉圭。Daddy話，C朗同美斯其實已經超越咗自己，征服咗世界，只係敵唔過歲月喎。佢話呢個就係人生嘞。
我唔肯定明唔明Daddy講嘅嘢，但呢一刻，我幾肯定我鍾意咗足球。
「我會畀心機踢波㗎啦，第日要叻過Daddy同爺爺！」
喺C朗館嘅盡頭，擺咗張好大嘅poster，下面寫住：「卡雲尼：他是我永遠的偶像。」
哈哈，原來爺爺都喺度呀。
完
回應 (0)
