新聞類別
娛樂
詳情#
【蘋果日報】【玲機一動】森美日前上咗《玲機一動》做嘉賓，同堪輿學家麥玲玲分享同老婆陳雅嫻（Veronica）結婚15年感情軼事。森美提到喺法國向老婆浪漫求婚：「老婆喺英國嘅飾物店見到一隻vintage戒指話幾靚，我就話麻麻哋俗氣，但轉頭偷偷去買。一心諗住上到巴黎鐵塔頂求婚，點知喺香榭麗舍大道鬧大交，我就問自己『係咪鬧交仲鍾意呢個女人？』我答係，就求咗婚。」不過，二人婚事卻因相士而加速，皆因Veronica同森美講：「幾年前佢睇相，今年唔結就會散，仲會搵到個好過我嘅男人，咁我即刻娶啦！」
患抑鬱得老婆忍讓
森美之前患抑鬱症，有時脾氣好大，幸太太忍讓，不過早前佢喺旅遊節目深情同太太表白，想一齊去睇雙彩虹，獲網民讚感動，佢解釋：「人人以為我好錫佢，但佢覺得一啲都唔錫，所以每收一個朋友短訊就鬧一次。我份人性格就係咁，兜口兜面唔識表達，衰性格，對太太、父母、仔女都係咁，見到就板起塊面，唔見個心就好掛住心軟。」兩公婆結婚多年，森美仲笑言自己都想出去「見識」，玲玲師傅就笑佢「齋講」，森美就話：「人有兩種，一種行動派成日追女仔，好似運動員跑得快，但講唔到你知點跑，教練就會諗到方法，所以我啲橋都係work嘅。」
場地提供：唐人館（尖沙嘴）
患抑鬱得老婆忍讓
森美之前患抑鬱症，有時脾氣好大，幸太太忍讓，不過早前佢喺旅遊節目深情同太太表白，想一齊去睇雙彩虹，獲網民讚感動，佢解釋：「人人以為我好錫佢，但佢覺得一啲都唔錫，所以每收一個朋友短訊就鬧一次。我份人性格就係咁，兜口兜面唔識表達，衰性格，對太太、父母、仔女都係咁，見到就板起塊面，唔見個心就好掛住心軟。」兩公婆結婚多年，森美仲笑言自己都想出去「見識」，玲玲師傅就笑佢「齋講」，森美就話：「人有兩種，一種行動派成日追女仔，好似運動員跑得快，但講唔到你知點跑，教練就會諗到方法，所以我啲橋都係work嘅。」
場地提供：唐人館（尖沙嘴）
回應 (0)
