新聞類別
娛樂
詳情#
【蘋果日報】貴為影后的惠英紅，從來不會介意告訴別人她是街童出身，紅姐今集會講到童年流連灣仔紅燈區向水兵兜售香口膠賺錢養家，正因為這樣錯過了入學。
「爸爸因工傷致右眼失明，甚至喪失工作能力，於是阿媽便帶住我同妹妹跟一位好心阿姨到灣仔做街童賣嘢，呢個阿姨好好，佢教我哋賣白箭、綠箭、黃箭香口膠，每排賣成一蚊，成本幾毫子，當時幾暴利。o依家好少見到綠箭、白箭，黃箭冇咗，有時見到，我耐唔中會買嚟食。我哋又賣刻上龍鳳日本筷子，有黑色白色，呃啲水兵，仲有祼女啤牌，阿姨畀咗我同阿妹各一套，教我哋去"舌累"啲水兵，如是者就喺灣仔十年，灣仔美兵養咗我哋屋企成十年，好有感情。」
「我每日4、5點就同媽咪同妹妹喺香港仔坐巴士出灣仔開工，一年唔係12個月都有水兵，佢哋打完仗先嚟，一年約8、9個月啦，有船我哋先出。我出到去好開心㗎，可以去大排檔食叉燒、燒鵝飯，湯又任飲，食完就開始喺條街拉水兵買嘢，有時賣到夜晚11點幾又巴士返去，有時12點冇巴士，賣得好就豪囉，坐的士返去。」
「可能我天生幾多人鍾意，去到冇耐就成為大家姐，細路女好快學識英文，又俾人打得多，我好快學識睇人眉頭眼額，我哋會揀和順啲樣嘅水兵，揀清楚先行埋去，我試過幾次搵錯target俾人推跌落地，俾人打多幾次開始識揀，呢個粗眉凸眼，好煞氣就唔揀，揀自己覺安全嘅先行埋去。」
「灣仔多悽涼人，好多吧女，佢哋都係出嚟搵食養家，冇出路就犧牲自己，等下面細佬妹可以享福，吧女見我哋都係悽涼人，大家撞埋會互相幫助，佢哋有水兵帶出街，一出嚟見邊個細路，佢哋會叫同拎水兵啲錢畀我哋，水兵放完假會返去打仗，唔知幾時會戰死沙場，佢哋有時會覺得我好親切，佢哋入酒吧玩一陣，又出嚟嚟望吓我，買杯汽水或漢堡包畀我食，有時第日嚟到又會先搵我幫襯買嘢，佢哋放完假要離開仲會喊。我唔驚同唔捨得有啲後生水兵，亦有老水兵會寄錢寄信畀我，一路離開咗灣仔，我都有收到，有啲喺香港last day，佢哋11點上船，會將身上紙幣畀咗我哋，佢哋會覺我好似妹妹咁，佢哋會行過嚟欄杆同我哋傾偈，買嘢畀我哋食，磨到上船就走人。」
「賣嘢當中分好多地頭，我打番嚟，我喺正中酒吧區，頭尾比較生意淡，其他街童成日想入嚟，我哋會同佢打交，唔會有大人同黑社會加入嚟。有人話灣仔幾複雜，但當你喺最複雜嘅地方，會睇到最多人情味。嗰十年好開心，我享受到高消費，成日炸魚薯條、熱狗同漢堡包，食到唔食，又有人買我樽裝可樂，我又唔使返學。」
「我因為超咗齡，冇讀過書，你諗吓3歲到13歲唔使返學，我到家陣都未入過學校，我認為最靚嘅時裝就係校服。反而妹妹就有入學，佢放學先出嚟一齊賣嘢。我多人錫，雖然要博命去賣嘢，但唔知點解我成績高人一倍，我醒目，見水兵一落嚟我衝埋去，一個接一個，賣夠4小時，我數住夠百幾蚊又會去『吞pop』，自己走去附近公園打鞦韆，我冇得返學就好享受呢段自己時間。如果嗰日好多船，我可以賣幾百蚊。
撰文：比華利
攝影：林德雄
攝錄：葉君海
髮型：James Lee＠HAiR
化妝：littlewhite
場地：金公館
「爸爸因工傷致右眼失明，甚至喪失工作能力，於是阿媽便帶住我同妹妹跟一位好心阿姨到灣仔做街童賣嘢，呢個阿姨好好，佢教我哋賣白箭、綠箭、黃箭香口膠，每排賣成一蚊，成本幾毫子，當時幾暴利。o依家好少見到綠箭、白箭，黃箭冇咗，有時見到，我耐唔中會買嚟食。我哋又賣刻上龍鳳日本筷子，有黑色白色，呃啲水兵，仲有祼女啤牌，阿姨畀咗我同阿妹各一套，教我哋去"舌累"啲水兵，如是者就喺灣仔十年，灣仔美兵養咗我哋屋企成十年，好有感情。」
「我每日4、5點就同媽咪同妹妹喺香港仔坐巴士出灣仔開工，一年唔係12個月都有水兵，佢哋打完仗先嚟，一年約8、9個月啦，有船我哋先出。我出到去好開心㗎，可以去大排檔食叉燒、燒鵝飯，湯又任飲，食完就開始喺條街拉水兵買嘢，有時賣到夜晚11點幾又巴士返去，有時12點冇巴士，賣得好就豪囉，坐的士返去。」
「可能我天生幾多人鍾意，去到冇耐就成為大家姐，細路女好快學識英文，又俾人打得多，我好快學識睇人眉頭眼額，我哋會揀和順啲樣嘅水兵，揀清楚先行埋去，我試過幾次搵錯target俾人推跌落地，俾人打多幾次開始識揀，呢個粗眉凸眼，好煞氣就唔揀，揀自己覺安全嘅先行埋去。」
「灣仔多悽涼人，好多吧女，佢哋都係出嚟搵食養家，冇出路就犧牲自己，等下面細佬妹可以享福，吧女見我哋都係悽涼人，大家撞埋會互相幫助，佢哋有水兵帶出街，一出嚟見邊個細路，佢哋會叫同拎水兵啲錢畀我哋，水兵放完假會返去打仗，唔知幾時會戰死沙場，佢哋有時會覺得我好親切，佢哋入酒吧玩一陣，又出嚟嚟望吓我，買杯汽水或漢堡包畀我食，有時第日嚟到又會先搵我幫襯買嘢，佢哋放完假要離開仲會喊。我唔驚同唔捨得有啲後生水兵，亦有老水兵會寄錢寄信畀我，一路離開咗灣仔，我都有收到，有啲喺香港last day，佢哋11點上船，會將身上紙幣畀咗我哋，佢哋會覺我好似妹妹咁，佢哋會行過嚟欄杆同我哋傾偈，買嘢畀我哋食，磨到上船就走人。」
「賣嘢當中分好多地頭，我打番嚟，我喺正中酒吧區，頭尾比較生意淡，其他街童成日想入嚟，我哋會同佢打交，唔會有大人同黑社會加入嚟。有人話灣仔幾複雜，但當你喺最複雜嘅地方，會睇到最多人情味。嗰十年好開心，我享受到高消費，成日炸魚薯條、熱狗同漢堡包，食到唔食，又有人買我樽裝可樂，我又唔使返學。」
「我因為超咗齡，冇讀過書，你諗吓3歲到13歲唔使返學，我到家陣都未入過學校，我認為最靚嘅時裝就係校服。反而妹妹就有入學，佢放學先出嚟一齊賣嘢。我多人錫，雖然要博命去賣嘢，但唔知點解我成績高人一倍，我醒目，見水兵一落嚟我衝埋去，一個接一個，賣夠4小時，我數住夠百幾蚊又會去『吞pop』，自己走去附近公園打鞦韆，我冇得返學就好享受呢段自己時間。如果嗰日好多船，我可以賣幾百蚊。
撰文：比華利
攝影：林德雄
攝錄：葉君海
髮型：James Lee＠HAiR
化妝：littlewhite
場地：金公館
回應 (0)
