新聞類別
港聞
詳情#
【蘋果日報】【美麗有伏】
28歲的阿勇，家中長子，親友形容他是宅男，平日嗜好只有打機，中學畢業後任職保安，返工地點少女仔；多年來從未拍過拖，直至前年中，他終於以為自己可以拍拖了，但原來墮進了美人計騙局。「拍拖」近兩年從未拖過手，見面少於10次，但阿勇已被對方以不同藉口苛索金錢達50萬元，至今散盡整副身家，但他仍一往情深，不願相信「女友」另有目的。
記者：李啟發 龔蕙芝
據阿勇向《蘋果》講述這段「愛情故事」，前年7月28日，阿勇經由手機交友平台結識了20多歲的美容師Coco，雙方其後在WhatsApp聊天，Coco自稱愛狗之人，平日星期天會與家人一起吃飯，令阿勇萌生好感，覺得對方「好乖好孝順」。兩日後，Coco即介紹阿勇到她元朗阿姨的美容院做療程，阿勇十分興奮，翌日便應約上門，由Coco親手替他做facial及針清，「身體接觸嘛，有啲（戀愛）感覺」，馬上如沐春風，之後更付了3.9萬元購置了20多次療程。
見面無10次 信用卡任碌
其後，阿勇在美容院認識了自稱Coco表弟的阿杰，阿杰火速和阿勇稱兄道弟，並自告奮勇充當阿勇的戀愛軍師，教他如何取得Coco歡心，「表白都係佢揸主意」；前年11月底，阿杰教他預訂尖沙嘴W酒店自助晚餐，計劃用餐後向Coco表白，當時阿杰在場，「食完同佢話做我女朋友，跟住佢點頭」，當日阿勇曾提出想拖手，但Coco不肯，之後雙方各自回家。
阿杰教路令阿勇以為自己奪得美人歸後，即開始不定時游說阿勇送禮送錢氹Coco歡心。「拍拖」初期，Coco叫阿勇申請信用卡給她使用，每月消費過萬元均由阿勇找數。阿杰又不時查問阿勇「你仲有幾多錢？」並經常要求代轉賬購物。
阿勇指他在「拍拖」前，銀行戶口有30萬元存款，其後每月要找過萬元卡數，至今「可能畀咗50萬佢……都好肉赤，自己啲錢嚟，咁辛苦搵返嚟……」阿勇曾向阿杰訴苦指已入不敷支，阿杰則疑以退為進勸他和Coco分手，轉頭卻落足嘴頭指Coco其實很關心阿勇：「佢知你辛苦，就擺低咗張卡。」阿勇始終不捨這段感情，每次能見面約會，更是阿勇為感情奮鬥的動力。
至今近兩年的「拍拖」生活中，阿勇跟Coco見面少於10次，阿勇說：「佢成日都話屋企人同事業為先，咁耐都係聽咗三、四次電話。」絕大部份時間雙方只透過WhatsApp交流，而且不多甜言蜜語，Coco有時甚至兩、三星期才應機。阿勇與CoCo約會，阿杰大部份時間在場三人行，惟《蘋果》記者跟蹤後發現，CoCo和阿杰曾在遠離阿勇視線範圍後十指緊扣，更試過情不自禁親吻，關係儼如情侶。
女方：視你為結婚對象
「唔開心囉，好多負能量」，阿勇稱最近一年都有這種感覺，「比如兩、三晚唔覆機，都會亂諗嘢，唔知佢同邊個一齊」。他透露，最近Coco連小事都會罵他，例如批評他行路步姿飄忽，令她「成日都要避開你（阿勇）」。他又指多次嘗試和Coco拖手，但她都堅定地說：「身體係我嘅，我唔鍾意，唔畀逼囉。」其後又施軟功稱「我都視你為結婚對象」，又令阿勇感覺很窩心。月入1.3萬元的阿勇，現時銀行存款不足1萬元，家人懷疑Coco另有戀情，但阿勇向記者稱對女友「有七成懷疑，三成保留。繼續付出，全因為我愛佢！」
28歲的阿勇，家中長子，親友形容他是宅男，平日嗜好只有打機，中學畢業後任職保安，返工地點少女仔；多年來從未拍過拖，直至前年中，他終於以為自己可以拍拖了，但原來墮進了美人計騙局。「拍拖」近兩年從未拖過手，見面少於10次，但阿勇已被對方以不同藉口苛索金錢達50萬元，至今散盡整副身家，但他仍一往情深，不願相信「女友」另有目的。
記者：李啟發 龔蕙芝
據阿勇向《蘋果》講述這段「愛情故事」，前年7月28日，阿勇經由手機交友平台結識了20多歲的美容師Coco，雙方其後在WhatsApp聊天，Coco自稱愛狗之人，平日星期天會與家人一起吃飯，令阿勇萌生好感，覺得對方「好乖好孝順」。兩日後，Coco即介紹阿勇到她元朗阿姨的美容院做療程，阿勇十分興奮，翌日便應約上門，由Coco親手替他做facial及針清，「身體接觸嘛，有啲（戀愛）感覺」，馬上如沐春風，之後更付了3.9萬元購置了20多次療程。
見面無10次 信用卡任碌
其後，阿勇在美容院認識了自稱Coco表弟的阿杰，阿杰火速和阿勇稱兄道弟，並自告奮勇充當阿勇的戀愛軍師，教他如何取得Coco歡心，「表白都係佢揸主意」；前年11月底，阿杰教他預訂尖沙嘴W酒店自助晚餐，計劃用餐後向Coco表白，當時阿杰在場，「食完同佢話做我女朋友，跟住佢點頭」，當日阿勇曾提出想拖手，但Coco不肯，之後雙方各自回家。
阿杰教路令阿勇以為自己奪得美人歸後，即開始不定時游說阿勇送禮送錢氹Coco歡心。「拍拖」初期，Coco叫阿勇申請信用卡給她使用，每月消費過萬元均由阿勇找數。阿杰又不時查問阿勇「你仲有幾多錢？」並經常要求代轉賬購物。
阿勇指他在「拍拖」前，銀行戶口有30萬元存款，其後每月要找過萬元卡數，至今「可能畀咗50萬佢……都好肉赤，自己啲錢嚟，咁辛苦搵返嚟……」阿勇曾向阿杰訴苦指已入不敷支，阿杰則疑以退為進勸他和Coco分手，轉頭卻落足嘴頭指Coco其實很關心阿勇：「佢知你辛苦，就擺低咗張卡。」阿勇始終不捨這段感情，每次能見面約會，更是阿勇為感情奮鬥的動力。
至今近兩年的「拍拖」生活中，阿勇跟Coco見面少於10次，阿勇說：「佢成日都話屋企人同事業為先，咁耐都係聽咗三、四次電話。」絕大部份時間雙方只透過WhatsApp交流，而且不多甜言蜜語，Coco有時甚至兩、三星期才應機。阿勇與CoCo約會，阿杰大部份時間在場三人行，惟《蘋果》記者跟蹤後發現，CoCo和阿杰曾在遠離阿勇視線範圍後十指緊扣，更試過情不自禁親吻，關係儼如情侶。
女方：視你為結婚對象
「唔開心囉，好多負能量」，阿勇稱最近一年都有這種感覺，「比如兩、三晚唔覆機，都會亂諗嘢，唔知佢同邊個一齊」。他透露，最近Coco連小事都會罵他，例如批評他行路步姿飄忽，令她「成日都要避開你（阿勇）」。他又指多次嘗試和Coco拖手，但她都堅定地說：「身體係我嘅，我唔鍾意，唔畀逼囉。」其後又施軟功稱「我都視你為結婚對象」，又令阿勇感覺很窩心。月入1.3萬元的阿勇，現時銀行存款不足1萬元，家人懷疑Coco另有戀情，但阿勇向記者稱對女友「有七成懷疑，三成保留。繼續付出，全因為我愛佢！」
回應 (0)
