新聞類別
港聞
詳情#
【蘋果日報】【跟蹤踢爆】
阿勇從未拖過Coco一雙玉手，雙方數個月才約會一次，更總是有「表弟」在旁三人行。《蘋果》跟蹤揭穿這段情騙真相，發現CoCo與阿勇約會say goodbye後，隨即便與「表弟」十指緊扣又攬腰，二人經常街坊裝出入屯門一個住宅單位，表親關係實情是一對情侶。《蘋果》昨代阿勇上門質問CoCo，她即時指與阿勇只是顧客關係，並稱是阿勇追求她。記者展示她與「表弟」阿杰的拖手攬腰照片，她即表現緊張大力關門。
上周二下午，CoCo帶同「表弟」阿杰與阿勇三人行約會，以領取阿勇補領的新信用卡，3人在旺角食燒肉放題入座時，CoCo不坐在男友阿勇身旁，反而與「表弟」鄰坐，更只顧鯨吞30個泡芙，幾乎與阿勇零交流，匆匆約一小時後由阿勇埋單。
記者尾隨3人離去，目睹阿杰偷偷輕拍CoCo臀部數下，然後偷笑；乘搭港鐵時，阿杰更扮鬼臉逗「表姐」一笑，站在旁邊的阿勇儼如電燈膽。CoCo和阿杰於深水埗站先下車，兩人遠離阿勇視線範圍後越走越近，更突然十指緊扣，在扶手電梯情不自禁輕吻一下。
大力關門避記者質問
《蘋果》連日發現，CoCo跟阿杰表現親暱，經常踢拖素顏拖手出入屯門一個私人屋苑。根據土地註冊資料，該單位由一名姓石女子持有，石女士正是CoCo之前介紹阿勇去做美容療程的美容院老闆娘。
記者昨上門詢問Coco跟阿勇關係，她初時表現錯愕，之後稱「我同佢係客人關係」，又指「以前我係有幫佢做facial嘅，佢係有追求我」，似是想撇清情侶關係。問到是否有使用阿勇信用卡時，她只承認「（佢）有叫過我幫佢買嘢」，但迴避信用卡是否在她手，更稱「唔講住，你唔需要問我呢啲問題」。
但當她看到記者展示她與「表弟」阿杰的拖手攬腰照片時，即十分緊張並重複說：「你哋唔好問，唔使問呢啲問題，冇必要話畀你哋知。」更說：「你有乜嘢法律權力必定要我講先，我都唔需要同你講。」然後大力關門。
事後Coco即致電阿勇，質問為何有記者找上門，更說：「我又唔係要貪你啲錢，你要拎返你咪去拎，你唔好同我講你要畀我用囉。」並指自己做事從來光明磊落，不會偷呃拐騙。
■記者黎少英、阮斌
阿勇從未拖過Coco一雙玉手，雙方數個月才約會一次，更總是有「表弟」在旁三人行。《蘋果》跟蹤揭穿這段情騙真相，發現CoCo與阿勇約會say goodbye後，隨即便與「表弟」十指緊扣又攬腰，二人經常街坊裝出入屯門一個住宅單位，表親關係實情是一對情侶。《蘋果》昨代阿勇上門質問CoCo，她即時指與阿勇只是顧客關係，並稱是阿勇追求她。記者展示她與「表弟」阿杰的拖手攬腰照片，她即表現緊張大力關門。
上周二下午，CoCo帶同「表弟」阿杰與阿勇三人行約會，以領取阿勇補領的新信用卡，3人在旺角食燒肉放題入座時，CoCo不坐在男友阿勇身旁，反而與「表弟」鄰坐，更只顧鯨吞30個泡芙，幾乎與阿勇零交流，匆匆約一小時後由阿勇埋單。
記者尾隨3人離去，目睹阿杰偷偷輕拍CoCo臀部數下，然後偷笑；乘搭港鐵時，阿杰更扮鬼臉逗「表姐」一笑，站在旁邊的阿勇儼如電燈膽。CoCo和阿杰於深水埗站先下車，兩人遠離阿勇視線範圍後越走越近，更突然十指緊扣，在扶手電梯情不自禁輕吻一下。
大力關門避記者質問
《蘋果》連日發現，CoCo跟阿杰表現親暱，經常踢拖素顏拖手出入屯門一個私人屋苑。根據土地註冊資料，該單位由一名姓石女子持有，石女士正是CoCo之前介紹阿勇去做美容療程的美容院老闆娘。
記者昨上門詢問Coco跟阿勇關係，她初時表現錯愕，之後稱「我同佢係客人關係」，又指「以前我係有幫佢做facial嘅，佢係有追求我」，似是想撇清情侶關係。問到是否有使用阿勇信用卡時，她只承認「（佢）有叫過我幫佢買嘢」，但迴避信用卡是否在她手，更稱「唔講住，你唔需要問我呢啲問題」。
但當她看到記者展示她與「表弟」阿杰的拖手攬腰照片時，即十分緊張並重複說：「你哋唔好問，唔使問呢啲問題，冇必要話畀你哋知。」更說：「你有乜嘢法律權力必定要我講先，我都唔需要同你講。」然後大力關門。
事後Coco即致電阿勇，質問為何有記者找上門，更說：「我又唔係要貪你啲錢，你要拎返你咪去拎，你唔好同我講你要畀我用囉。」並指自己做事從來光明磊落，不會偷呃拐騙。
■記者黎少英、阮斌
回應 (0)
