新聞類別
娛樂
詳情#
【蘋果日報】童年對一個人影響深遠，幸福不是必然。
現年58歲的影后惠英紅，於今年7.1公布的授勳名單中獲頒銅紫荊勳章，其實她的人生如同過山車，又上又落，又落又上，生於大家庭，富爸爸當年走難逃來香港，家道中落淪為工廠啤工工人，母親全職主婦，八兄弟姊妹，紅姐排第五。
紅姐日前重返童年留下不少回憶的灣仔區，街坊認出這位影后，排隊集郵，紅姐將會用第一人身份，今集會跟大家分享街童歲月。
「喺我3歲嗰年，我經歷好多嘢，阿爸喺工廠做啤針，佢黑仔到俾啤針打爆咗右眼，嗰時冇賠償，佢睇唔到嘢，被迫失業，全家冇經濟收入，屋企好多細路。以前好多人窮會將仔女送走，我哋八兄弟姊妹，我排第五，父母將頭幾個送走去學京戲，嗰度有地方住，有飯食，所以電影圈會出現元彪、成龍呢啲，我哥哥同家姐都係咁送走咗，記得嗰時屋企外有鐵絲網圍欄，佢哋走時，我哋喊住伸手出去。」
「62年『溫黛』嚟掃咗我哋間屋，瞓到半夜突然傾盆大雨，咦，點解望到天空，溫黛將我哋間屋吹走，當晚我同老竇、阿媽，另一妹妹漏夜執嘢走，執得幾多嘢就幾多嘢。輾轉幾日我哋去咗銅鑼灣百德新街舊樓瞓樓梯底。」
「當時有啲酒樓，人情味好濃，前台做生意，食剩飯菜收得好乾淨，留畀窮人拎走，我當年就係食呢啲菜頭菜尾，食咗大半年。嗰時開始個人好醒，瞓咗街半年左右，有個阿姨見過我好多次，佢覺得我哋淒涼，落雨滴滴滴，又要食人哋餐廳餸尾，嗰個阿姨拖住兩個細路，有一日走埋嚟同我媽講，佢話：『我聽日都會經過，你怕唔怕跟我去灣仔嗰邊乞啦，乞到錢㗎，嗰度有水兵，橫掂你哋都去乞瞓樓梯底，不如去灣仔啦。』咁我媽好純樸，第日阿姨真係經過，我媽就帶住我同阿妹一齊去灣仔。」
撰文：比華利
攝影：林德雄
攝錄：葉君海
髮型：James Lee＠HAiR
化妝：littlewhite
場地：金公館
現年58歲的影后惠英紅，於今年7.1公布的授勳名單中獲頒銅紫荊勳章，其實她的人生如同過山車，又上又落，又落又上，生於大家庭，富爸爸當年走難逃來香港，家道中落淪為工廠啤工工人，母親全職主婦，八兄弟姊妹，紅姐排第五。
紅姐日前重返童年留下不少回憶的灣仔區，街坊認出這位影后，排隊集郵，紅姐將會用第一人身份，今集會跟大家分享街童歲月。
「喺我3歲嗰年，我經歷好多嘢，阿爸喺工廠做啤針，佢黑仔到俾啤針打爆咗右眼，嗰時冇賠償，佢睇唔到嘢，被迫失業，全家冇經濟收入，屋企好多細路。以前好多人窮會將仔女送走，我哋八兄弟姊妹，我排第五，父母將頭幾個送走去學京戲，嗰度有地方住，有飯食，所以電影圈會出現元彪、成龍呢啲，我哥哥同家姐都係咁送走咗，記得嗰時屋企外有鐵絲網圍欄，佢哋走時，我哋喊住伸手出去。」
「62年『溫黛』嚟掃咗我哋間屋，瞓到半夜突然傾盆大雨，咦，點解望到天空，溫黛將我哋間屋吹走，當晚我同老竇、阿媽，另一妹妹漏夜執嘢走，執得幾多嘢就幾多嘢。輾轉幾日我哋去咗銅鑼灣百德新街舊樓瞓樓梯底。」
「當時有啲酒樓，人情味好濃，前台做生意，食剩飯菜收得好乾淨，留畀窮人拎走，我當年就係食呢啲菜頭菜尾，食咗大半年。嗰時開始個人好醒，瞓咗街半年左右，有個阿姨見過我好多次，佢覺得我哋淒涼，落雨滴滴滴，又要食人哋餐廳餸尾，嗰個阿姨拖住兩個細路，有一日走埋嚟同我媽講，佢話：『我聽日都會經過，你怕唔怕跟我去灣仔嗰邊乞啦，乞到錢㗎，嗰度有水兵，橫掂你哋都去乞瞓樓梯底，不如去灣仔啦。』咁我媽好純樸，第日阿姨真係經過，我媽就帶住我同阿妹一齊去灣仔。」
撰文：比華利
攝影：林德雄
攝錄：葉君海
髮型：James Lee＠HAiR
化妝：littlewhite
場地：金公館
回應 (0)
