新聞類別
娛樂
詳情#
【蘋果日報】以溫拿五虎奮鬥史為題材的電影《兄弟班》，由溫拿鼓手陳友自編自導，早前陳友連同主角陳家樂、林耀聲及吳鶴謙接受《蘋果》訪問。陳友表示當年溫拿是在陳百祥（阿叻）母親的閣樓開始夾band，陳友回憶道：「幾年前我喺街撞到阿叻細佬，傾開話不如一齊去拜祭吓伯母，當我望住伯母嘅墓碑，諗起好多回憶，於是我就決定要將佢拍成電影。」
今次陳友花了不少篇幅描寫健仔及阿強的故事，笑說：「我完全冇用過阿倫同阿B嘅角度出發。」他還坦言劇本從沒有給四虎過目，至於幾位成員反應，陳友指譚詠麟（阿倫）最為緊張：「阿倫睇完試片後，問咗我幾次『你係咪小器箒？』，我話『冇呀，拍戲係咁㗎啦。』」至於戲份最多的健仔就十分開心，不過遭健嫂取笑，她說老公後生時沒有飾演者陳家樂如此靚仔。
陳友亦不忘抽水：「健仔後生嘅時候好靚仔，不過相由心生，最終變成依家呢個樣。」而陳家樂就表示：「導演畀我揀究竟做阿B定阿健，但佢講明阿健戲份較多，咁當然係揀阿健啦。」
演員唔易搵
陳友特意找「小鮮肉」做五虎，他說：「飾演阿B嘅于湉係製片幫手搵，至於鄧加樂係來自台灣嘅香港演員，我覺得佢同阿倫細個一樣。」陳友希望「少年陳友」懂得打鼓，故找來本屬獨立樂隊小紅帽的鼓手吳鶴謙飾演。至於為何找林耀聲，陳友解釋：「角色唔易演，阿強現實中係唔講嘢，耀聲亦接近阿強後生時咁靚仔。」林耀聲自言唔識彈低音結他，最困難是要由零開始。
採訪：曹家誠
攝影：沈健程
場地提供：1563 At The East Live House and Restaurant
林耀聲服裝提供：ithk
今次陳友花了不少篇幅描寫健仔及阿強的故事，笑說：「我完全冇用過阿倫同阿B嘅角度出發。」他還坦言劇本從沒有給四虎過目，至於幾位成員反應，陳友指譚詠麟（阿倫）最為緊張：「阿倫睇完試片後，問咗我幾次『你係咪小器箒？』，我話『冇呀，拍戲係咁㗎啦。』」至於戲份最多的健仔就十分開心，不過遭健嫂取笑，她說老公後生時沒有飾演者陳家樂如此靚仔。
陳友亦不忘抽水：「健仔後生嘅時候好靚仔，不過相由心生，最終變成依家呢個樣。」而陳家樂就表示：「導演畀我揀究竟做阿B定阿健，但佢講明阿健戲份較多，咁當然係揀阿健啦。」
演員唔易搵
陳友特意找「小鮮肉」做五虎，他說：「飾演阿B嘅于湉係製片幫手搵，至於鄧加樂係來自台灣嘅香港演員，我覺得佢同阿倫細個一樣。」陳友希望「少年陳友」懂得打鼓，故找來本屬獨立樂隊小紅帽的鼓手吳鶴謙飾演。至於為何找林耀聲，陳友解釋：「角色唔易演，阿強現實中係唔講嘢，耀聲亦接近阿強後生時咁靚仔。」林耀聲自言唔識彈低音結他，最困難是要由零開始。
採訪：曹家誠
攝影：沈健程
場地提供：1563 At The East Live House and Restaurant
林耀聲服裝提供：ithk
回應 (0)
