甩拖兩年應采兒做媒鄧麗欣認戀王子「低調保護感情」

【蘋果日報】鄧麗欣（Stephy）與方力申分手兩年，近日就傳出與細她5年的台灣前偶像組合Lollipop成員邱勝翊（王子）譜出姊弟戀，有指兩人在4月時一起去泰國蘇梅度假，早前再被人目擊同機由香港到台灣。Stephy與游學修昨日在九龍公園出席活動時，提到與王子再傳緋聞，她甜絲絲表示：「其實感情方面，我想低調處理，因為過往嘅經驗，我認為感情係屬於兩個人，呢行好透明，變成感情都好透明，加上呢個年代，大家都有手機，低調係為咗保護感情，希望大家畀啲空間。」
籲留空間
記者問到4月時去旅行，當時是否已經拍拖，她繼續甜笑：「係囉，畀啲空間我哋去發展，我哋識咗好多年，因為係同一間公司，不過以前唔熟，係應采兒咁啱約大家食飯，唔知佢算唔算叫做媒人。」
問到她今次姊弟戀一事，她就表示不會想太多：「2018年喇，大家對所有嘢嘅接受能力都好高。」記者笑她表現好sweet，她講笑：「係好wet，因為落緊雨。」
小方掩面
之前Stephy憑《空手道》獲紐約亞洲電影節的亞洲新秀獎，她指王子有向她恭喜，不過對方忙未有慶祝。提到獲獎，她表示：「第一次衝出亞洲，感覺好唔一樣，好緊張，因為係一個陌生嘅地方，第一個香港演員攞呢個獎，意義重大。」對於杜汶澤笑她未停過攞獎，她表示：「希望未，可以繼續攞，佢都開心，千叮萬囑叫我小心個獎，因為佢上次整爛咗個獎，當地都好鍾意呢部戲，佢哋評價係叫我有唔同嘅嘗試，希望我打入荷李活。」
另外，王子也回應台灣《蘋果日報》：「謝謝大家！也請大家給我們一些空間相處。」至於前度方力申（小方）昨日赴廣西時於Ig開限時動態，叫fans陪他傾偈，怎料有fans問他有沒有女朋友，小方立即掩臉回覆：「別提了！」
採訪：黃曉妍
攝影：仇志德