單身女：難過中六合彩

【蘋果日報】政府自2014年底復售居屋後，每期均吸引大批市民入表申請，盼一圓上車夢。今期居屋年初接受申請，已接獲逾15萬份申請表，有已遞表的白表單身申請者稱，政府將今期居屋單位售價調低至52折，勢吸引更多人申請，直言「仲難過中六合彩」，中籤機會更渺茫。
政府建議調低今期居屋售價，若獲房委會資助房屋小組通過，最快今年10月展開第二輪申請。莫小姐現租住紅磡私樓，月租約一萬元，她早前以白表單身資格遞表申請今期居屋，認為政府調低居屋售價，「會令到更多人申請居屋，但我哋單身配額又冇增加，我預咗冇㗎啦」。她認為政府調低居屋售價，但又無增加供應，「減價係令到（上車）門檻低咗好多，但都冇辦法抽到㗎啦」。
烏龍男喜獲再申請機會
有人歡喜有人愁，單身人士王先生自復售居屋以來，每次均有遞表申請，他今期同樣交表，但忘記支付申請費，被房委會取消資格，「唔記得咗支票戶口冇錢，截止申請兩星期內就收到通知被DQ咗」。原以為機會落空，但10月可再申請，「依家仲平咗，以為冇希望，好彩多返一次機會，但都預咗多人爭」。
■記者譚靜雯