新聞類別
財經
詳情#
【蘋果日報】本港連鎖補習社遵理學校今日掛牌，可能真係一如上市公司名字「精英匯」（1775），有最多精英老師匯集嘅上市儀式。
與June Leung份屬好友
據聞遵理旗下名師盡出，包括有補習界美斯之稱嘅中文科導師林溢欣、有大律師唔做轉去執教鞭嘅林作，精英匯非執董、國際關係學者沈旭暉，仲有中大中國語言及文學系前高級講師歐陽偉豪（Ben Sir）等。
前三位現身都合情合理，至於Ben Sir點解會出現呢？原來佢同遵理創辦人之一嘅梁賀琪（June）係老友。Ben Sir話兩人識咗6、7年，但好好朋友，N年前仲鼓勵June將遵理上市，「令大家覺得做補習唔係乜嘢負面、唔好嘅事。」
唔講唔知，佢仲係林溢欣喺中大讀書時候嘅老師，亦一齊出書。Ben Sir話好欣慰見到林溢欣做補習名師咁成功，「為文科人打出一條血路，證明讀文科都可以賺大錢」。至於會唔會去遵理開班授徒，佢笑話咪搞喇，「我一心做明星㗎，除非拍戲喇」。
講到明星，June表姐就係人稱「伍姑娘」嘅伍詠薇，當年亦有份創辦遵理，不過據知佢喺內地拍緊劇嚟唔到，但另一創辦人、伍詠薇阿哥Richard就會到。
有名師，少不了學生。據聞遵理邀請咗幾名精英學生出席，其中一位係舊年DSE狀元之一，仲會同June一齊上台敲鑼㖭。
李華華
LiWaWa@AppleDaily.com
與June Leung份屬好友
據聞遵理旗下名師盡出，包括有補習界美斯之稱嘅中文科導師林溢欣、有大律師唔做轉去執教鞭嘅林作，精英匯非執董、國際關係學者沈旭暉，仲有中大中國語言及文學系前高級講師歐陽偉豪（Ben Sir）等。
前三位現身都合情合理，至於Ben Sir點解會出現呢？原來佢同遵理創辦人之一嘅梁賀琪（June）係老友。Ben Sir話兩人識咗6、7年，但好好朋友，N年前仲鼓勵June將遵理上市，「令大家覺得做補習唔係乜嘢負面、唔好嘅事。」
唔講唔知，佢仲係林溢欣喺中大讀書時候嘅老師，亦一齊出書。Ben Sir話好欣慰見到林溢欣做補習名師咁成功，「為文科人打出一條血路，證明讀文科都可以賺大錢」。至於會唔會去遵理開班授徒，佢笑話咪搞喇，「我一心做明星㗎，除非拍戲喇」。
講到明星，June表姐就係人稱「伍姑娘」嘅伍詠薇，當年亦有份創辦遵理，不過據知佢喺內地拍緊劇嚟唔到，但另一創辦人、伍詠薇阿哥Richard就會到。
有名師，少不了學生。據聞遵理邀請咗幾名精英學生出席，其中一位係舊年DSE狀元之一，仲會同June一齊上台敲鑼㖭。
李華華
LiWaWa@AppleDaily.com
回應 (0)
