新聞類別
財經
詳情#
【蘋果日報】中美貿易戰爆發，主要係「奸角」特朗普為11月美國中期選舉造勢。睇股市反應，由特朗普喺3月22日宣戰起計，美股累跌0.9%，滬股累跌13.7%。
中美股市抗跌力懸殊，貿易戰贏面輸面唔係主因。大約十年前，喺2007年至2009年金融動盪期間，滬股見6100水平，美股見6500水平；時至今日，滬股低企2800水平，美股高企24500水平。人哋十年牛市，你就十年淆市，點解？最根本嘅原因，係中國市場資金供求結構失衡。
融資問題始終壓住A股，雖然央行降準放水，但又引發人民幣貶值，A股隨之下跌。貿易戰開打前，人民幣加速走弱，但開打後，反而回穩，A股連升兩日，港股亦拍住上，周一分別踢高2.5%同1.3%。外貿困難，習近平上周五開會，決心谷大內需。現時入市，揀內需股較穩陣。
世界盃進入四強大戰，法國對比利時，英格蘭對克羅地亞。四強之中，法國、英格蘭、克羅地亞三隊都由Nike贊助，比利時就由Adidas贊助。換言之，Nike贊助隊伍隨時中三重彩。
上屆世界盃德國奪冠，贊助商Adidas賽後多賣10%德國隊球衣，睇嚟今屆輪到Nike加單。港股之中，鷹美（2368）係Nike主要拍檔，除咗代工生產運動服，仲一齊研發布料。鷹美上月下旬派成績表，全年多賺48%，下半年尤其標青，末期息倍增。現價市盈率8.3倍，息率7.9厘。
由於鷹美客戶有美國Nike、The North Face等，市場一度擔心會受貿易戰影響。不過，公司早前向大股東裕元（551）買入越南廠房，以越南同印尼廠房應付美歐定單，避開「中國製造」問題；汕頭同江西廠房則應付中國內銷。公司睇好中國內需市場，仲打算喺內地擴大生產線。
割柑人
本欄逢周二刊出
中美股市抗跌力懸殊，貿易戰贏面輸面唔係主因。大約十年前，喺2007年至2009年金融動盪期間，滬股見6100水平，美股見6500水平；時至今日，滬股低企2800水平，美股高企24500水平。人哋十年牛市，你就十年淆市，點解？最根本嘅原因，係中國市場資金供求結構失衡。
融資問題始終壓住A股，雖然央行降準放水，但又引發人民幣貶值，A股隨之下跌。貿易戰開打前，人民幣加速走弱，但開打後，反而回穩，A股連升兩日，港股亦拍住上，周一分別踢高2.5%同1.3%。外貿困難，習近平上周五開會，決心谷大內需。現時入市，揀內需股較穩陣。
世界盃進入四強大戰，法國對比利時，英格蘭對克羅地亞。四強之中，法國、英格蘭、克羅地亞三隊都由Nike贊助，比利時就由Adidas贊助。換言之，Nike贊助隊伍隨時中三重彩。
上屆世界盃德國奪冠，贊助商Adidas賽後多賣10%德國隊球衣，睇嚟今屆輪到Nike加單。港股之中，鷹美（2368）係Nike主要拍檔，除咗代工生產運動服，仲一齊研發布料。鷹美上月下旬派成績表，全年多賺48%，下半年尤其標青，末期息倍增。現價市盈率8.3倍，息率7.9厘。
由於鷹美客戶有美國Nike、The North Face等，市場一度擔心會受貿易戰影響。不過，公司早前向大股東裕元（551）買入越南廠房，以越南同印尼廠房應付美歐定單，避開「中國製造」問題；汕頭同江西廠房則應付中國內銷。公司睇好中國內需市場，仲打算喺內地擴大生產線。
割柑人
本欄逢周二刊出
回應 (0)
