退休男帶新買器具玩浮潛　遇溺不治

【蘋果日報】汀九近水灣的南山游泳會對開，昨日早上11時許，一名年約70歲男子，到泳會對開海面游泳，其間他戴上潛水鏡及游泳呼吸管的浮潛裝備落水，惟稍後其他泳友見他遲遲未上岸，在海中找尋事主近10分鐘，發現他遇溺昏迷，將他救起，附近泳灘的救生員亦協助為他進行急救，並報警求助，事主昏迷送院惜經搶救後證實不治。
據陪同事主送院的泳友黃先生表示，姓卓事主(73歲)是他舊同事，退休前任修船工人，彼此相識40年，他暱稱事主做「阿卓」，卓間中到南山泳會游泳，一個月約兩次，今日「阿卓」首次帶同潛水鏡及游泳呼吸管等浮潛器具到場，據悉，這是「阿卓」第一次使用該些器具，「平時佢冇玩浮潛，係第一次，有個泳友用開，佢（阿卓）就搵嗰個泳友教佢用，但唔知個泳友有冇同佢一齊落水，副潛水鏡同呼氣管係佢新買㗎，第一次用！」「阿卓」之後落水，惟過了一段時間，泳友仍未見他上岸，於是落水找他近10分鐘，最終發現他遇溺昏迷不醒，黃先生與其他泳友合力將他抬救上岸，惜最後送院返魂乏術，「阿卓」的妻兒聞訊已趕往醫院了解事件。
其他泳友獲悉「阿卓」死訊不無惋惜，拿來冥鏹即場拜祭，其中一名在場目擊的泳友周先生表示，當時離岸約10多米，「阿卓」落水約7至8分鐘，據講「試緊副新潛鏡同呼氣管，但冇幾耐便出事，聽到佢吖、吖、吖咗幾聲，睇佢勢色唔對，我就拋水泡落去，跟住佢就沉咗，我哋幾個人搏命係度搵，有泳會人見到有個黑色物體喺水底，摷佢上嚟，當時已經過咗十幾分鐘，隔離泳灘救生員亦走過來幫佢做心外壓，佢當時塊面已變色，冇知覺。」
有泳友指，聽過「阿卓」之前講，見到有人用浮潛鏡同呼氣管，「個頭唔使突出嚟抖氣」，於是買來嘗試，豈料首次使用便出事，泳友指今日水流急，「可能水入咗條管嗆親！」
陪同「阿卓」送院的黃先生事後返回泳會，再落水終於尋回事主簇新的潛鏡及呼氣管，稍後警員重返現場，撿走該套工具返署作證物及進一步調查。