新聞類別
港聞
詳情#
【蘋果日報】隨着無綫電視日前解散體育組，有近38年歷史的無綫最長壽節目《體育世界》亦於昨日完成歷史任務。昨日播出的最後一集，主持李思雅、黃庭鋒未有向觀眾道別，但尾聲播出歷年不同節目logo及主持片段，包括林嘉華、陳秀珠、陳敏兒、林尚義、陳尚來、鍾志光、韓毓霞、馬啟仁等，最後以《體育世界》班底大合照，向觀眾作無聲告別。
「覺得播一場波容乜易」
80年代主持《體育世界》逾4年的陳敏兒，昨表示最深刻在節目中玩跳傘：「其實我有畏高症，驚到死咁滯，對我嚟講真係一個好大挑戰。第一次試跳已經去到2,000幾呎高空掟你落嚟，嗰時要去石崗軍營接受training。」對於《體育世界》畫上句號，陳敏兒說：「我覺得好叻㗎喇，可以run到咁耐。」
陳尚來1983年加入體育組，做到1994年離開，見證《體育世界》興衰：「開始嗰陣好精采，慢慢好多嘢唔係我哋控制，好似做公關嘢多過做一個好colourful嘅magazine節目。到今時今日好多大賽唔喺手，俾新媒體咁樣侵蝕法，所以摺埋係好自然嘅事。」
不過，陳尚來認為無綫電視解散體育組實在不該：「體育組做嘅嘢係專業，唔可以用其他部門取代，但我聽返啲人講，啲高層覺得『係人上去㩒（掣）都得，播一場波容乜易啫？』呢個就係高層最錯嘅地方，唔識珍惜體育組嗰班人。」
人稱「大華」的葉尚華，亦於《體育世界》結尾告別片段出現，對於解散體育組，他嘆稱：「依家好難講，因為啲女人話事，啲女人唔鍾意搞體育嘅嘢，全部拍劇㗎嘛。」至於現任主持余德丞，昨表示可惜：「原本今日我都要拍外景，前幾日先取消，之後就話最後一集。」就連無綫契仔李克勤，前日也在社交網表示對解散體育組的消息「心裏不是味兒」。
■記者戴彩煥、盧坤穎
「覺得播一場波容乜易」
80年代主持《體育世界》逾4年的陳敏兒，昨表示最深刻在節目中玩跳傘：「其實我有畏高症，驚到死咁滯，對我嚟講真係一個好大挑戰。第一次試跳已經去到2,000幾呎高空掟你落嚟，嗰時要去石崗軍營接受training。」對於《體育世界》畫上句號，陳敏兒說：「我覺得好叻㗎喇，可以run到咁耐。」
陳尚來1983年加入體育組，做到1994年離開，見證《體育世界》興衰：「開始嗰陣好精采，慢慢好多嘢唔係我哋控制，好似做公關嘢多過做一個好colourful嘅magazine節目。到今時今日好多大賽唔喺手，俾新媒體咁樣侵蝕法，所以摺埋係好自然嘅事。」
不過，陳尚來認為無綫電視解散體育組實在不該：「體育組做嘅嘢係專業，唔可以用其他部門取代，但我聽返啲人講，啲高層覺得『係人上去㩒（掣）都得，播一場波容乜易啫？』呢個就係高層最錯嘅地方，唔識珍惜體育組嗰班人。」
人稱「大華」的葉尚華，亦於《體育世界》結尾告別片段出現，對於解散體育組，他嘆稱：「依家好難講，因為啲女人話事，啲女人唔鍾意搞體育嘅嘢，全部拍劇㗎嘛。」至於現任主持余德丞，昨表示可惜：「原本今日我都要拍外景，前幾日先取消，之後就話最後一集。」就連無綫契仔李克勤，前日也在社交網表示對解散體育組的消息「心裏不是味兒」。
■記者戴彩煥、盧坤穎
回應 (0)
