提起母親　淚水眼眶打轉

【蘋果日報】羅老太希望通過控告匯豐，重奪信託控制權，亦藉此取回鷹君「教仔」。不過支持羅老太的家族成員，變得人丁單薄。提到母親心意，羅啟瑞淚水在眼眶打轉，雙親以外，他甚少為他人而哭。記者問他與媽媽感情是否好深厚？「你唔好咁啦，我受唔住㗎，頭先已經要忍，呢個係我弱點。」有甚麼溫馨時刻？「你仲整蠱我，哈哈哈，太多喇，講唔晒。」羅啟瑞忍着眼淚笑說。
羅老太有一套養生哲學──就是不停勞動，直至現在仍然會為兒子車衣，例如睡衣、舒服褲，閒時更喜歡織膠籃，「我喺日本見到有個籃，同佢織嘅一模一樣，千零蚊港紙，但阿媽嘅手工絕對好過佢。」
羅老太去法院時帶着的膠籃，實際是神級廢物利用，「佢嘅膠帶係超級市場垃圾堆到執嘅包箱索膠帶。唔使錢㗎，舊時自己親手做，用枝箝拉嚟拉去，依家訓練菲律賓工人做，只係驗收，但通常過唔到佢對眼，就執得好緊要。」