陳冠希床上親熱 秦舒培洩春光

【蘋果日報】陳冠希（Edison）同大陸名模秦舒培打得火熱，最近兩人為服裝品牌Entireworld拍攝短片，公然在床上晒恩愛甜到漏，兩人頭貼頭瞓喺床上，Edison又錫又搓秦舒培隻手仔，着熱褲嘅秦舒培春心蕩漾，用長腿撩撥挑逗Edison，之後更一個轉身攬着他，然而，長腿在轉動間動作太大，露出粉紅色底褲同半截pat pat，不慎洩春光。
網民紛紛起哄，留言：「秀恩愛的時候可以忘掉Alaia」、「冠希看舒培那一下的笑容甜死了」，有眼利嘅網民更估拍攝地點似係兩人愛巢，事關Edison曾在ig晒秦舒培同囡囡Alaia熟睡相，比對床同枕頭都係一模一樣。36歲嘅Edison同細10歲嘅秦舒培拍拖兩年，現育有1歲女兒Alaia，做咗爸爸嘅Edison修心養性，去年8月豪擲2千300萬港元在洛杉磯買愛巢。