王賢誌嫌做好人悶　要演變態佬

【蘋果日報】馬浚偉、胡定欣及姜大衛等主演的舞台劇《偶然．徐志摩》，前晚在灣仔演藝學院再度公演，獲東華三院贊助慈善首演場，身為東華主席的王賢誌、其父王忠桐、東華總理翁嘉穗等到場支持，特首林鄭月娥到場時，王賢誌更親自上前招呼。
王賢誌說：「馬仔好早就同我傾呢個合作計劃，我哋都夾咗好耐，終於嚟到今晚。其實我哋二十幾年前已經認識，嗰陣時一齊跟戴思聰學唱歌，當時我都仲未正式加入無綫。好記得我同馬仔第一次合作係黃霑主持嘅節目《江山如此多Fun》，馬仔當時係主持，而我就負責escort啲現場觀眾玩遊戲，世界真係好玄妙。」王賢誌還表示希望跟馬仔合演舞台劇：「我知佢寫緊好多劇本，如果有機會我都想合作。越變態嘅角色越好，因為我都有陰暗面，成日做好人真係好悶。」
翁嘉穗大仔赴美
此外，翁嘉穗透露大仔Jason下月將到美國波士頓升讀大學，她說：「暫時又冇唔捨得，我自己都係十幾歲去咗外國讀書，咁樣可以獨立啲。」她並着兒子不要太快拍拖。
採訪、攝影：盧妹