林雅詩赴歐學演戲

【蘋果日報】林雅詩、可嵐及廚師馮嘉橋（Jason）等昨日到荃灣愉景新城出席Mrs. Fields35周年活動。林雅詩自言廚藝不錯，試過她手勢的朋友都大讚：「阿仔都有讚，我最鍾意就係整曲奇餅同蛋糕，可以食晒成盒曲奇當飯。平時煮飯就最鍾意整魚，因為我本身唔食牛肉。」
林雅詩又表示將帶仔仔到歐洲旅遊兼上堂：「佢會學英文，我就去學演戲，都去成10幾日嘅。」可嵐笑謂為了讓兒子當新一代暖男，安排他學烹飪班：「我覺得男仔識煮嘢食，個market會大啲。」她表示將到外蒙古為電影開工，但未能帶兒子同行：「因為我哋去郊野地方，真係得草原同沙漠，我驚佢會水土不服同辛苦。」
採訪：盧妹
攝影：林賓尼