啤酒　果汁酒　無營養易致肥

【蘋果日報】啤酒及汽水是不少球迷睇波的心水飲品。註冊營養師潘仕寶建議，避免睇波時都全程只飲啤酒或汽水，宜中間多飲水，有助控制啤酒、汽水的飲用量，以免換來一個「啤酒肚」。由於酒精有利尿作用，多飲水也可幫助身體補充水份，預防因缺水而引致翌日返工時被頭痛困擾。礦泉水或梳打水加入檸檬、青檸或薄荷葉，也是不錯的選擇。


焗無糖菊花茶更健康

若選擇飲酒，成年男女分別每日建議不要多於2個及1個酒精單位，即男士不多於500毫升啤酒（5%酒精濃度），女士不多於250毫升啤酒。潘指酒精屬於有熱量的飲品，但本身卻無營養價值，經常飲用也會令人肥胖，甚至影響健康，建議要控制飲用量，部份果汁味的酒精飲品更含不少糖份，女士們要留意。


相對健康的飲品選擇，包括無糖綠茶、無糖烏龍茶和無糖汽水。潘推介可自行焗菊花茶飲用，取代市面的紙包甜飲，如菊花茶、檸檬茶等。對咖啡因特別敏感或有失眠問題的人，不宜晚上飲用含咖啡因的飲品。脫脂奶或無添加糖的高鈣豆漿也是好選擇，每日一至兩杯可補充蛋白質及鈣質，令人增加飽肚感及鞏固骨骼。


■記者梁麗兒

想輕輕鬆鬆健康啲，記住留意健康蘋台

http://health.appledaily.com.hk/