新聞類別
副刊
詳情#
【蘋果日報】「磨鉸剪鏟刀」，這曾經街知巷聞的老句子，今天已幾成絕響，於廉價內地鋼刀、陶瓷刀大行其道的年代，有誰還會花數百元去磨刀呢？偏偏有位自稱「儍佬」的愛刀之人，73年來，每天埋首磨刀石中，幹着這費時又不賺錢的工作，86歲高齡的陳當華贏得「香港刀王」之稱，顧客遍佈全球，這是金錢買不到的榮譽及滿足，「我唔可以退休，因為退咗休好快死」。
記者︰潘婉玲
走進華叔位於廟街的店舖，店子小小，各種類型的刀具於展示櫃靜靜發着寒光，售價由數十元至近七千元，明碼實價，惟老人家卻不見蹤影，原來他正躲於一角，埋首磨刀。
「合埋眼都可以，磨刀靠對耳，唔係靠對眼。」
記者擔心老人家分神會切到手，華叔卻老神在在，「我合埋眼都可以，磨刀靠對耳，唔係靠對眼」。華叔自稱「儍佬」其實不無道理，人家用兩塊磨刀石，他卻自創九塊磨刀法，由最粗粒的磨刀石，磨至密度最高，亦即是表面最光滑的一塊，聲音亦由開始的嘈吵刺耳，慢慢趨向平靜，華叔指着其中一塊磨刀石，「你估呢嚿幾錢？」，記者怕露出無知外行人的底蘊，保守說︰「幾百蚊？」，「係呀，380蚊，1958年嗰時買，當時我4毫子磨一把刀」。
雖說工欲善其事，必先利其器，但華叔此行徑，以現代形容詞，應是「離地」或「嫌錢腥」，「唔好成日講錢」，這句話，華叔經常掛在嘴邊。記者詢問其珍藏的龍躉刀當年的收購價，「唔記得」，再問他擺放於店門外，購自西班牙的鐵甲人價值，「唔記得」。別以為華叔存心戲弄，於他心目中，錢並非最重要，「我呢把年紀夠食夠使咪得，我仲咁健康，乜都賺晒啦」。
被封為香港刀王，客戶遍佈全球，亦經常受刀廠邀請到外國交流，這位昔日被稱為「磨刀仔」的小子曾經備受白眼，「冇計，覺得磨刀好有趣咪入咗行」。陳當華的祖父是裁縫，父親為中醫，華叔偏偏選了地位低微的磨刀業。73年前（1945年），正是抗戰勝利那一年，只有13歲的陳當華於廣州入行學師，當年社會物資貧乏，打掃、煮飯，甚至替師傅洗底褲，華叔回憶起來，不以為意，「以前學師個個都係咁，冇錢收㗎，包你兩餐仲想點？」
1951年，當年不過19歲的華仔（今天的華叔）來港，在荃灣擺檔做生意，以磨鉸剪為主，初來甫到人生路不熟，要生存談何容易，「貼錢人哋都唔畀你磨，點知你得唔得」。不過勤力總有回報，加上當年的華仔外表官仔骨骨，吸引一班工廠女工主動提出約會，今天的華叔回想，笑說︰「冇諗嗰啲嘢，人哋咁照顧我，唔通叫到唔去咩？」華叔自言年輕時沉默寡言，但今天見他卻是談笑風生，精靈的老人家對當年「溝女」往事，不禁嘻嘻一笑，一切心照啦！
「我鍾意學習，知識令我唔孤獨。」
30多年前由街檔入舖的華叔，店中貼滿他與外國刀廠如孖人牌、金鼠牌、日本堺孝行高層交流時的合照。1997年，華叔到德國與刀廠高層交流，金鼠牌外籍高層起初跟華叔握手時，見他手掌光滑認為一定「冇料到」，直至華叔即席磨刀後將高層的手毛都剃掉，讓人儍眼。高層其後宴請華叔到其家中作客，並於席上向華叔致歉。
找華叔磨刀，最低消費200元，鋼質越好，即越堅硬的越貴，但一年前已暫停接單，「剩係美容院嘅鉸剪都有幾百把等緊，做唔切呀」。華叔堅守不准打尖原則，即使外國遊客、刀廠高層，甚或出高價亦無情講，統統要排隊，只要於其店中購買的，即使只需數十元，亦會即場磨，「唔等得都冇計，做人要有原則，你明唔明？」
店子身處龍蛇混雜的廟街，多年前，曾有古惑仔帶一批牛肉刀要求華叔磨利，光顧數次後，華叔難抵心理負擔，拒絕再做其生意，「個心唔舒服呀，好似做咗陰騭事」。
華叔除了不磨殺人刀之外，另外亦有一些刀是他不肯磨的，例如街市肉檔、魚檔的刀不磨，「唔值得磨，咁大把磨完我嚿石仲要得嘅？」鋼質不好的不磨，華叔豪言，經他開鋒的刀，切橙不見汁，旁人評他牙擦，「我係寸」。
自言沒有讀過書的華叔，店內的產品介紹卡，卻是出自他手筆，原本嘻皮笑臉的老人家，即時一本正經的說︰「我鍾意學習，知識令我唔孤獨。」面對外國遊客，華叔亦毫不失禮，「Good. This one good！」貼心的孫女為他製作一張中英對照表，方便與外國人溝通，華叔再以簡單英語，配合肢體語言，做生意無難度。
「幾多歲都會做，退休好快死！」
現時已四代同堂，曾孫女亦已一歲多，華叔卻從不言休，「我幾多歲都會做，退休好快死！」但營業時間已由十多年前的10小時，縮短至如今的7小時，華叔承認，現時已唔憂做，「夠交租就得」。與業主相識數十年，租金僅萬多元，較同區便宜。
年事漸高，華叔於40多年前曾有一名徒弟，但已沒有聯絡，「都唔知佢成唔成功」，近年亦曾先後有多名年輕人到來拜師，連拜師帖亦奉上，但學藝只有兩小時便離開，「佢覺得付出嘅時間同收入唔成正比」。華叔認為，磨刀需要大量體力，不適合女性，但如果有女性來拜師，他亦會用心教導。後繼無人，華叔表示無奈，只能於有生之年，繼續磨刀霍霍，砥礪鋒芒。
記者︰潘婉玲
走進華叔位於廟街的店舖，店子小小，各種類型的刀具於展示櫃靜靜發着寒光，售價由數十元至近七千元，明碼實價，惟老人家卻不見蹤影，原來他正躲於一角，埋首磨刀。
「合埋眼都可以，磨刀靠對耳，唔係靠對眼。」
記者擔心老人家分神會切到手，華叔卻老神在在，「我合埋眼都可以，磨刀靠對耳，唔係靠對眼」。華叔自稱「儍佬」其實不無道理，人家用兩塊磨刀石，他卻自創九塊磨刀法，由最粗粒的磨刀石，磨至密度最高，亦即是表面最光滑的一塊，聲音亦由開始的嘈吵刺耳，慢慢趨向平靜，華叔指着其中一塊磨刀石，「你估呢嚿幾錢？」，記者怕露出無知外行人的底蘊，保守說︰「幾百蚊？」，「係呀，380蚊，1958年嗰時買，當時我4毫子磨一把刀」。
雖說工欲善其事，必先利其器，但華叔此行徑，以現代形容詞，應是「離地」或「嫌錢腥」，「唔好成日講錢」，這句話，華叔經常掛在嘴邊。記者詢問其珍藏的龍躉刀當年的收購價，「唔記得」，再問他擺放於店門外，購自西班牙的鐵甲人價值，「唔記得」。別以為華叔存心戲弄，於他心目中，錢並非最重要，「我呢把年紀夠食夠使咪得，我仲咁健康，乜都賺晒啦」。
被封為香港刀王，客戶遍佈全球，亦經常受刀廠邀請到外國交流，這位昔日被稱為「磨刀仔」的小子曾經備受白眼，「冇計，覺得磨刀好有趣咪入咗行」。陳當華的祖父是裁縫，父親為中醫，華叔偏偏選了地位低微的磨刀業。73年前（1945年），正是抗戰勝利那一年，只有13歲的陳當華於廣州入行學師，當年社會物資貧乏，打掃、煮飯，甚至替師傅洗底褲，華叔回憶起來，不以為意，「以前學師個個都係咁，冇錢收㗎，包你兩餐仲想點？」
1951年，當年不過19歲的華仔（今天的華叔）來港，在荃灣擺檔做生意，以磨鉸剪為主，初來甫到人生路不熟，要生存談何容易，「貼錢人哋都唔畀你磨，點知你得唔得」。不過勤力總有回報，加上當年的華仔外表官仔骨骨，吸引一班工廠女工主動提出約會，今天的華叔回想，笑說︰「冇諗嗰啲嘢，人哋咁照顧我，唔通叫到唔去咩？」華叔自言年輕時沉默寡言，但今天見他卻是談笑風生，精靈的老人家對當年「溝女」往事，不禁嘻嘻一笑，一切心照啦！
「我鍾意學習，知識令我唔孤獨。」
30多年前由街檔入舖的華叔，店中貼滿他與外國刀廠如孖人牌、金鼠牌、日本堺孝行高層交流時的合照。1997年，華叔到德國與刀廠高層交流，金鼠牌外籍高層起初跟華叔握手時，見他手掌光滑認為一定「冇料到」，直至華叔即席磨刀後將高層的手毛都剃掉，讓人儍眼。高層其後宴請華叔到其家中作客，並於席上向華叔致歉。
找華叔磨刀，最低消費200元，鋼質越好，即越堅硬的越貴，但一年前已暫停接單，「剩係美容院嘅鉸剪都有幾百把等緊，做唔切呀」。華叔堅守不准打尖原則，即使外國遊客、刀廠高層，甚或出高價亦無情講，統統要排隊，只要於其店中購買的，即使只需數十元，亦會即場磨，「唔等得都冇計，做人要有原則，你明唔明？」
店子身處龍蛇混雜的廟街，多年前，曾有古惑仔帶一批牛肉刀要求華叔磨利，光顧數次後，華叔難抵心理負擔，拒絕再做其生意，「個心唔舒服呀，好似做咗陰騭事」。
華叔除了不磨殺人刀之外，另外亦有一些刀是他不肯磨的，例如街市肉檔、魚檔的刀不磨，「唔值得磨，咁大把磨完我嚿石仲要得嘅？」鋼質不好的不磨，華叔豪言，經他開鋒的刀，切橙不見汁，旁人評他牙擦，「我係寸」。
自言沒有讀過書的華叔，店內的產品介紹卡，卻是出自他手筆，原本嘻皮笑臉的老人家，即時一本正經的說︰「我鍾意學習，知識令我唔孤獨。」面對外國遊客，華叔亦毫不失禮，「Good. This one good！」貼心的孫女為他製作一張中英對照表，方便與外國人溝通，華叔再以簡單英語，配合肢體語言，做生意無難度。
「幾多歲都會做，退休好快死！」
現時已四代同堂，曾孫女亦已一歲多，華叔卻從不言休，「我幾多歲都會做，退休好快死！」但營業時間已由十多年前的10小時，縮短至如今的7小時，華叔承認，現時已唔憂做，「夠交租就得」。與業主相識數十年，租金僅萬多元，較同區便宜。
年事漸高，華叔於40多年前曾有一名徒弟，但已沒有聯絡，「都唔知佢成唔成功」，近年亦曾先後有多名年輕人到來拜師，連拜師帖亦奉上，但學藝只有兩小時便離開，「佢覺得付出嘅時間同收入唔成正比」。華叔認為，磨刀需要大量體力，不適合女性，但如果有女性來拜師，他亦會用心教導。後繼無人，華叔表示無奈，只能於有生之年，繼續磨刀霍霍，砥礪鋒芒。
回應 (0)
