新聞類別
港聞
詳情#
【蘋果日報】【賭仔自白】
「為咗賭波，我即使返工，每隔一兩分鐘都會拎部電話出嚟睇（賽事）比數，凌晨兩三點開波就會自然扎醒！」28歲的阿華10年前沉迷賭波，月入一萬多元，但賭一場波就全部輸光，結果欠債40萬元，最終走投無路下要瞓街，才決心向戒賭中心求助，足足花了4年終成功戒賭。
從事服務性行業的阿華18歲開始賭波，「本身鍾意踢波，報紙又有賠率，加上剛出嚟工作，身邊同事話題離不開賭波，於是到馬會申請投注戶口！」他起初以為投注前，肯花時間做功課，要贏並不難，「但原來一旦輸咗，根本唔會分析咁多，控制唔到注碼，最終越賭越輸！」
「幾好定力都會沉迷」
令他最難忘的是上屆世界盃，巴西對德國輸1比7的賽事，「我賽前投注，買巴西平手盤，以為巴西唔會輸，點知我當晚凌晨兩點九起身，巴西已經輸咗兩球，我去追（加注碼）巴西入波，一直追，但半場德國已經贏5球，我足足輸咗一萬蚊！」
22歲那年，阿華已欠財務公司40萬元，「我惟有借大耳窿，但原來借1萬，扣除中介費，實質攞得三千五，之後要還萬五元。」苦無對策下，他嘗試致電戒賭熱線，「起初好掙扎，但有勇氣打咗呢個電話，佢哋就會引導我點走，至少多一個人同我傾，我個心都安靜啲！」
他定期到中心接受治療，包括與社工面對面傾偈，發掘他其他興趣，兩三個月後他見債務少了一些，便心癮再起，再次復賭，「阿媽知道我再次賭波，好心痛，每次講呢個話題都喊，我自己都覺得內疚！」他最後賭到輸精光走投無路，又不願面對家人，「試過瞓碼頭、瞓公園，等阿媽朝早返工，我先返屋企！」最後他醒覺不想家人再次失望，決心戒賭，「話畀身邊人知，我戒緊賭，等佢哋唔好引誘我！」戒賭過程中社工透過發掘阿華其他興趣如音樂、攝影、參加足球小組等，令他認識新朋友，最終他花4年成功戒賭。對於今年世界盃，他籲青年切勿賭波，因賭徒最致命弱點就是太自信，「我以前好自信，以為一切可控制到，但原來一賭，即使幾好定力，都會沉迷！」至於已沉迷的賭徒，他也提醒：「雖然好難一下子叫佢哋唔好賭，但至少唔好借錢嚟賭，因為係一個無底深淵，應及早向戒賭中心求助！」
■記者郭美華、周子惇
「為咗賭波，我即使返工，每隔一兩分鐘都會拎部電話出嚟睇（賽事）比數，凌晨兩三點開波就會自然扎醒！」28歲的阿華10年前沉迷賭波，月入一萬多元，但賭一場波就全部輸光，結果欠債40萬元，最終走投無路下要瞓街，才決心向戒賭中心求助，足足花了4年終成功戒賭。
從事服務性行業的阿華18歲開始賭波，「本身鍾意踢波，報紙又有賠率，加上剛出嚟工作，身邊同事話題離不開賭波，於是到馬會申請投注戶口！」他起初以為投注前，肯花時間做功課，要贏並不難，「但原來一旦輸咗，根本唔會分析咁多，控制唔到注碼，最終越賭越輸！」
「幾好定力都會沉迷」
令他最難忘的是上屆世界盃，巴西對德國輸1比7的賽事，「我賽前投注，買巴西平手盤，以為巴西唔會輸，點知我當晚凌晨兩點九起身，巴西已經輸咗兩球，我去追（加注碼）巴西入波，一直追，但半場德國已經贏5球，我足足輸咗一萬蚊！」
22歲那年，阿華已欠財務公司40萬元，「我惟有借大耳窿，但原來借1萬，扣除中介費，實質攞得三千五，之後要還萬五元。」苦無對策下，他嘗試致電戒賭熱線，「起初好掙扎，但有勇氣打咗呢個電話，佢哋就會引導我點走，至少多一個人同我傾，我個心都安靜啲！」
他定期到中心接受治療，包括與社工面對面傾偈，發掘他其他興趣，兩三個月後他見債務少了一些，便心癮再起，再次復賭，「阿媽知道我再次賭波，好心痛，每次講呢個話題都喊，我自己都覺得內疚！」他最後賭到輸精光走投無路，又不願面對家人，「試過瞓碼頭、瞓公園，等阿媽朝早返工，我先返屋企！」最後他醒覺不想家人再次失望，決心戒賭，「話畀身邊人知，我戒緊賭，等佢哋唔好引誘我！」戒賭過程中社工透過發掘阿華其他興趣如音樂、攝影、參加足球小組等，令他認識新朋友，最終他花4年成功戒賭。對於今年世界盃，他籲青年切勿賭波，因賭徒最致命弱點就是太自信，「我以前好自信，以為一切可控制到，但原來一賭，即使幾好定力，都會沉迷！」至於已沉迷的賭徒，他也提醒：「雖然好難一下子叫佢哋唔好賭，但至少唔好借錢嚟賭，因為係一個無底深淵，應及早向戒賭中心求助！」
■記者郭美華、周子惇
回應 (0)
