新聞類別
港聞
詳情#
【蘋果日報】世界盃全城狂熱，但72歲的林婆婆最討厭就是世界盃，因為4年前的巴西世界盃來臨之前，她最愛錫的兒子因賭波輸了性命，被收數佬追債致走投無路，終燒炭了結生命。4年過去，林婆婆花盡90萬元棺材本代子還債，還要擔心大女按樓借逾百萬為弟弟還債弟而壓力爆煲，「我都驚佢（女兒）頂唔順去自殺！賭真係害死人，最好政府全面禁賭！」
記者：郭美華 周子惇
「本人梁偉興是給外圍德明、大耳窿老朱、梁收、放數呀嫂mei等人迫死，本金已還足，仍然要威嚇，每天未能工作，太辛苦，希望警方在本人死後能跟進及保護我的家人。2014年4月24日梁偉興絕筆。」當日，38歲裝修公司老闆梁偉興在土瓜灣的裝修公司燒炭身亡，遺下的就只有這封遺書、大量財務公司的卡片及大叠借據。
出示死亡證 大耳窿才收手
事隔4年，滿頭白髮的林婆婆仍保留着兒子阿興留下的親筆遺書，「冇咗個仔，係人都傷心啦，老公叫我唔好諗咁多，我晚晚都瞓唔到覺，我依家都瞓唔到㗎！」在媽媽眼中，阿興是乖仔一名，「佢好孝順、好錫我，有錢就畀我，屋企每月屋租、水電煤萬幾蚊，都係佢畀錢，平時見佢賭吓馬仔、六合彩就有，根本唔知咁大鑊！」直至2013年突然有大耳窿上門追數，才驚覺阿興欠下巨債，更透露有尋死念頭。
林婆婆育有6名子女，阿興排行第五，為幫阿興還債，全家出錢相助，「我同老公將90多萬棺材本攞出嚟、大仔向財務公司借貸10萬、大女辭工攞40萬元強積金，又將剛供完的天水圍居屋按樓套現約100萬元！」但阿興賭性不改，2014年農曆新年，阿興不停接到追數電話，「佢喺廳騰來騰去，我真係驚佢由窗跳落去，我要睇實佢，我哋嗰時先知佢欠嘅債，還極都唔完！」最終阿興在4月燒炭自殺，林婆婆傷心欲絕，但追數公司仍上門，直至出示阿興死亡證才收手。
每聽到門聲 以為兒子返來
雖然至今再無人來追數，但林婆婆一家生活捉襟見肘，大女按樓的借貸就靠其丈夫在每月薪金扣除，「每個月還萬五蚊（還樓按6,000元加其他債項），佢老公幾乎冇錢用，仲要還廿幾年，我都驚大女頂唔順去自殺！」「我老公已經66歲，心臟有事都要開工，一周開兩、三日工，朝八晚八，見到都好辛苦，我哋依家冇晒積蓄，惟有死慳死抵，將來都唔知點算！」
全家被阿興的賭債拖累，不過他在林婆婆心目中仍是最疼錫的兒子，一提到阿興親手下廚，一直愁眉不展的林婆婆終露出笑容：「生佢嗰時，佢屁股出先，好危險㗎！但佢由細到大都好聽話，以前佢早收工，會買餸返嚟煮畀我食，佢煮嘅蒜蓉蒸蝦最拿手；我生日，佢會請晒全家出街食飯，休息會陪我飲茶！」兒子離世至今已4年，但林婆婆喪子痛仍未撫平，「好寂寞，成日聽見門聲，以為佢返來，我白白冇咗個仔，真係好傷心！」她慨嘆賭波害人，「唔賭咪冇事囉！我日日打開報紙都有類似新聞，賭真係害死人，希望政府全面禁止賭波！」
記者：郭美華 周子惇
「本人梁偉興是給外圍德明、大耳窿老朱、梁收、放數呀嫂mei等人迫死，本金已還足，仍然要威嚇，每天未能工作，太辛苦，希望警方在本人死後能跟進及保護我的家人。2014年4月24日梁偉興絕筆。」當日，38歲裝修公司老闆梁偉興在土瓜灣的裝修公司燒炭身亡，遺下的就只有這封遺書、大量財務公司的卡片及大叠借據。
出示死亡證 大耳窿才收手
事隔4年，滿頭白髮的林婆婆仍保留着兒子阿興留下的親筆遺書，「冇咗個仔，係人都傷心啦，老公叫我唔好諗咁多，我晚晚都瞓唔到覺，我依家都瞓唔到㗎！」在媽媽眼中，阿興是乖仔一名，「佢好孝順、好錫我，有錢就畀我，屋企每月屋租、水電煤萬幾蚊，都係佢畀錢，平時見佢賭吓馬仔、六合彩就有，根本唔知咁大鑊！」直至2013年突然有大耳窿上門追數，才驚覺阿興欠下巨債，更透露有尋死念頭。
林婆婆育有6名子女，阿興排行第五，為幫阿興還債，全家出錢相助，「我同老公將90多萬棺材本攞出嚟、大仔向財務公司借貸10萬、大女辭工攞40萬元強積金，又將剛供完的天水圍居屋按樓套現約100萬元！」但阿興賭性不改，2014年農曆新年，阿興不停接到追數電話，「佢喺廳騰來騰去，我真係驚佢由窗跳落去，我要睇實佢，我哋嗰時先知佢欠嘅債，還極都唔完！」最終阿興在4月燒炭自殺，林婆婆傷心欲絕，但追數公司仍上門，直至出示阿興死亡證才收手。
每聽到門聲 以為兒子返來
雖然至今再無人來追數，但林婆婆一家生活捉襟見肘，大女按樓的借貸就靠其丈夫在每月薪金扣除，「每個月還萬五蚊（還樓按6,000元加其他債項），佢老公幾乎冇錢用，仲要還廿幾年，我都驚大女頂唔順去自殺！」「我老公已經66歲，心臟有事都要開工，一周開兩、三日工，朝八晚八，見到都好辛苦，我哋依家冇晒積蓄，惟有死慳死抵，將來都唔知點算！」
全家被阿興的賭債拖累，不過他在林婆婆心目中仍是最疼錫的兒子，一提到阿興親手下廚，一直愁眉不展的林婆婆終露出笑容：「生佢嗰時，佢屁股出先，好危險㗎！但佢由細到大都好聽話，以前佢早收工，會買餸返嚟煮畀我食，佢煮嘅蒜蓉蒸蝦最拿手；我生日，佢會請晒全家出街食飯，休息會陪我飲茶！」兒子離世至今已4年，但林婆婆喪子痛仍未撫平，「好寂寞，成日聽見門聲，以為佢返來，我白白冇咗個仔，真係好傷心！」她慨嘆賭波害人，「唔賭咪冇事囉！我日日打開報紙都有類似新聞，賭真係害死人，希望政府全面禁止賭波！」
回應 (0)
