新聞類別
財經
詳情#
【蘋果日報】星期二恒指跌841點，成交有千五億，升跌股比率接近九一比，噚天反彈卻只得228點，阿爺個上證3000點鐵底不再，仲一度穿埋2900點。貿易戰是否真打已經唔重要，政治市特別難測，最弊係壞消息經常在半夜發生，第二朝已經裂口被擒了。青冰在專頁略介紹了幾招，為自己的倉把脈，今天再作闡述。
恒指今年跌0.75%，但其實除息已經跌去了481點，所以公平啲睇，恒指仲係正數，如果你個倉跑輸大市，相信係時候減磅，被指數拋得越遠，就更急需行動。今年指數已經算曳，幾隻重磅股軟弱無力，不過亦有唔少板塊係表現卓越的，例如零售、醫藥及教育，如果有參與過，應不至於跑輸大市，如果堅持買大股，但都係跑輸大市的，就一定是揀錯股。但你都唔好太怪責自己，因為成份股（計埋息）有一半係負數，當中誠哥佔4隻，長建（1038）更加跌到兩年低位，如果你係長揸的股東，都好擔心澤鉅呢支棒接唔接得穩啊。
如果個倉仲係正回報，只係報銷了一截盈利，咁就要檢閱旗下各股份，如果大部份都係水面以上，真係恭喜你呀，你仍然有力去守這個政治市，但仍需定下一些退場的機制，適時作行動，例如盈利去到某個百份點就減倉，再跌的話就清倉，有預先的計劃，行動時便不會手忙腳亂，令自己由贏變輸。如果大部份都係潛水股，證明你的盈利是上一浪累積，再搵新戰場時中伏，由於這些股係坐緊艇，心理壓力自然較大，如果市況再惡化，通常令自己猶豫不決的就是這些敗家仔，青冰一貫的做法，是把那些潛水一成以上的股先行解決。
記住自己的倉自己就最清楚，能承受多大波動及虧損，亦只有自己知，《嚦咕嚦咕新年財》劉華話：越爛的牌就要越用心打，青冰補充一句就係，要畀心機自己打，如果將自己的財富，寄託於打電話問人，施主你都係算把啦。
青冰
http://fb.com/chingbing888
本欄逢周四刊出
恒指今年跌0.75%，但其實除息已經跌去了481點，所以公平啲睇，恒指仲係正數，如果你個倉跑輸大市，相信係時候減磅，被指數拋得越遠，就更急需行動。今年指數已經算曳，幾隻重磅股軟弱無力，不過亦有唔少板塊係表現卓越的，例如零售、醫藥及教育，如果有參與過，應不至於跑輸大市，如果堅持買大股，但都係跑輸大市的，就一定是揀錯股。但你都唔好太怪責自己，因為成份股（計埋息）有一半係負數，當中誠哥佔4隻，長建（1038）更加跌到兩年低位，如果你係長揸的股東，都好擔心澤鉅呢支棒接唔接得穩啊。
如果個倉仲係正回報，只係報銷了一截盈利，咁就要檢閱旗下各股份，如果大部份都係水面以上，真係恭喜你呀，你仍然有力去守這個政治市，但仍需定下一些退場的機制，適時作行動，例如盈利去到某個百份點就減倉，再跌的話就清倉，有預先的計劃，行動時便不會手忙腳亂，令自己由贏變輸。如果大部份都係潛水股，證明你的盈利是上一浪累積，再搵新戰場時中伏，由於這些股係坐緊艇，心理壓力自然較大，如果市況再惡化，通常令自己猶豫不決的就是這些敗家仔，青冰一貫的做法，是把那些潛水一成以上的股先行解決。
記住自己的倉自己就最清楚，能承受多大波動及虧損，亦只有自己知，《嚦咕嚦咕新年財》劉華話：越爛的牌就要越用心打，青冰補充一句就係，要畀心機自己打，如果將自己的財富，寄託於打電話問人，施主你都係算把啦。
青冰
http://fb.com/chingbing888
本欄逢周四刊出
回應 (0)
