張文慈：我捱得好辛苦

【蘋果日報】張文慈（Pinky）在昨晚播出的一集《宮心計2深宮計》時大展演技，劇情講述她被家人欺騙而激動痛哭，這一幕深受內地網民讚賞，她昨日回覆傳媒說：「其實唔只嗰場戲，成集戲我都好鍾意，我覺得係一個好古仔，好機會。因為劇本對白有七頁紙，做之前都驚自己對白唔可以一氣呵成，好彩出嚟效果好，好開心。」
此外，昨日有周刊報道，指Pinky是隱形富婆，坐擁兩個共逾二千萬的物業和名車，她回應：「間居屋係我將自己層樓向銀行再加按，其實都唔係好夠錢，買樓係畀細佬住，係細單位，我唔係咩富婆，我捱得好辛苦就真，要供樓、養阿爸，周身債，架Benz揸咗接近十年，係舊車。」
撰文：葉晴