【馮仁昭四圍超】《飛虎》42吋胸新鮮肉朱名愚專拍禁片

【蘋果日報】最近喺電視劇《飛虎之潛行極戰》入面，相信大家都會留意到一位演反派嘅靚仔新面貌，佢係美國出生嘅內地演員朱名愚，大大隻有42吋胸肌，仲係跆拳同空手道高手，原本喺美國大學讀護士，之後考到紐約電影學院獎學金，決意追尋電影夢，朱名愚話：「本來我的學費是自己賺錢去付的，所以沒有考慮紐約電影學院的邀請，但學院卻給我獎學金，我從小便喜歡電影，所以我放棄了護士，去學表演，並於2014年畢業。」
黑仔事件不絕
畢業後，朱名愚去實現夢想，不過就遇到唔少「黑仔」事件，佢先喺荷李活參與過網劇同電影拍攝，同時參與咗第一部內地電視劇，可惜因為政治問題冇播映，之後又拍咗李惠民執導嘅《舞櫻》，佢話：「當時在橫店拍了五個多月，可惜因為主演是柯震東，再次沒有上映，是遺憾的，但這是一個不會忘掉的經驗，當中有很多學習的地方，對我的發展有很多幫助。」今年30歲嘅朱名愚有好多偶像，劉德華、周潤發、成龍，佢話：「我從小就是看他們的戲，夢想有機會可以跟他們面對面就夠了。」
撰文：馮仁昭
髮型：Headquarters salon By Kelly Mak
服裝提供：izzue、5cm
場地提供：Absolute Fitness