錢小豪父子同枱：遲來嘅幸福

【蘋果日報】55歲的錢小豪有兩個兒子，15歲的幼子錢穎德，他經常帶着身邊，至於27歲長子龐景峰，因多年來疏離，是他一大遺憾。當了父親多年，錢小豪感言︰「兩個仔喺身邊，日日都係父親節。」
錢小豪跟幼子穎德早前應邀到賽車場較量，穎德幾年前已學小型賽車，技術不遜爸爸。問錢小豪在兒子身上看到自己影子嗎？他不諱言︰「冇喎！我靚仔啲。」說罷他望一望兒子，笑說︰「好hurt佢添，阿仔乖，唔好受挫折。」問穎德對父親節感受時，他坦言︰「少咗留意。」叫穎德攬爸爸錫錫，他耍手擰頭說︰「唔好啦！」錢小豪笑謂︰「我一早預咗，會有被遺棄嘅感覺，我接受到。」
回想跟長子龐景峰分隔多年，他說︰「再見番時，佢都20幾歲，真係恍如隔世。」明天端午節，兩個兒子會陪他到西貢做義工，他說︰「佢哋兩個唔係成日見，但依家過年過節都有機會一齊食飯，尤其爺爺嫲嫲好開心同兩個孫食飯，以前冇呢啲畫面，遲來嘅幸福。」
採訪︰羅婉玲
攝影︰沈健程
場地提供︰Speedway Diner