盧冠廷唱陳百強

【蘋果日報】今年9月7日是陳百強60歲誕辰，盧冠廷、關淑怡、劉美君昨日到銅鑼灣出席9月9日舉行的「環球高歌陳百強」演唱會，而環球還會為陳百強推出紀念專輯。三人昨日分享對陳百強的感受，其中盧冠廷記得陳百強曾對他說：「『點解你唔紅？係因為你冇着到我啲衫咁靚。』冇辦法，自己冇呢啲細胞，我都想好似佢咁靚，我依家學緊㗎啦。」
劉美君憶述有機會跟陳百強合作：「入行前已經好鍾意陳百強，到入行後自己個形象要好cool好有型，但佢竟然主動讚我，話我好型，聽到我幾開心。」關淑怡就說：「早喺讀書時期已經見到陳百強喺學校門口拍嘢，自己仲係學生，但離遠見到佢已經好鍾意佢。」
採訪：曹家誠
攝影：陳慧安