財女手筆：北水加持嘅中海物業

【蘋果日報】上年8月曾經以「追落後只揀大價股」為題，建議讀者要食盡升浪就要揀大價股去追，並推介於當時大落後嘅中國海洋石油（883），事隔接近一年，中海油不負眾望，由接近9元起步，最高於上個月升至14.64元，大升超過6成。上年係大價藍籌嘅天下，今年下來，剛剛相反，好多大價藍籌橫行無波幅。所以要跑贏大市，就要識得搵當炒板塊。
今年熱炒板塊離不開醫藥同教育股，最近可以加多個內地物業管理股。其中由中國海外集團加持的中海物業（2669）值得看好。中海物業現時係全中國超過70個城市皆有物業管理業務，其中包括住宅、酒店、商業大廈、政府大廈等。中海物業有母公司中海外特別照顧，每年新增管理面積都有可觀增長。根據其年報顯示，中海物業於2017年的管理面積按年上升37.3%，預示其未來盈利增長動力十足。
中海物業上年業績理想，純利按年增長接近30%，達到3.07億港元。係內地樓市持續火爆下，接下來幾年對物業管理需求只會有增無減，未來盈利有保證。北水係過去幾個月亦大手掃入，持股由零增至超過2.5%。
其他內房企業例如碧桂園（2007）同萬科（2202）陸續傳出可能會分拆旗下嘅物業管理公司上市，相信短期內地物業管理板塊會繼續當炒。中海物業受捧於北水，可以密切注意。
Melody
http://Fb.com/whichroad