新聞類別
港聞
詳情#
【蘋果日報】「呢幾個月，我喺度讀吓書，同唔同嘅人傾偈嘅同時，好多人已經受緊審，咁……亦都有唔少人審完，服緊刑。有一個係我哋嘅同學㖭。我做唔到乜嘢去扭轉呢個局面，咁……我唯一可以做嘅就係……」沉默良久，他才說：「令自己更加好。好沉重呢個話題。」
—梁天琦去年於美國
「佢（警方）將我一個中學同學都落埋charge，嗰個中學同學係我哋啲成員（編按：本民前成員李東昇被控暴動及襲警罪，至今失蹤）。中一識到依家。見到佢……個感覺好差，好似拖埋一個好好嘅朋友落水咁。」「啲嘢依家好似倒帶咁。細細個已經去佢屋企打機，跟住淥麵食；以前一齊打《魔獸世界》，通宵打一個地下城，一齊組隊。依家都係一齊組隊，一齊俾人告。」
「（自己）打定輸數，同埋叫黃台仰照顧我屋企人，如果佢平安無事嘅話。」
—2016年12月，梁天琦在旺角騷亂提堂後
．《地厚天高》
梁天琦罪成入獄。林子穎說：「佢嘅同輩啱啱大學畢業、啱啱踏足社會，改變得最快嗰幾年。以前可能大家仲半夜可以飲酒吹水，講媾仔媾女，講買衫扮靚化妝；出番嚟，你嘅朋友可能已經進入人生另一個階段，價值觀上一定有改變，可能要供樓，可能事業已經發展得很好。」她形容監獄是一個凝結青春的地方，「某啲位你係成長咗、有多啲人生歷練，但社會對你嘅影響係冇。」「中間嘅落差，可能會幾痛苦。」
本土民主前線召集人黃台仰與李東昇兩人去年9月棄保潛逃，失蹤至今。兩人的身影，不時在《地厚天高》出現。「坐監點都唔會係好事，但相信有比坐監更痛苦嘅嘢。」林子穎說：「我成日諗起黃台仰同李東昇。佢哋係比較開心，同天琦唔同。天琦係比較沉思，比較鬱結；李東昇同黃台仰係比較carefree嘅(o靚)仔嚟。」「我成日諗起佢哋，譬如黃台仰喺巴士上面講，『香港其實好靚』，咁佢呢世人應該冇得再見到呢個景色。咁佢依家點呢？過得開唔開心呢？拉勻一世嚟講，我判斷唔到，究竟返到嚟香港面對審判嘅人慘啲，定係流放嘅人慘啲。」
梁天琦之前去了美國，仍返港受審。林子穎對此說：「我話梁天琦有承擔，就好似話緊其他人冇承擔，我講唔出。」
—梁天琦去年於美國
「佢（警方）將我一個中學同學都落埋charge，嗰個中學同學係我哋啲成員（編按：本民前成員李東昇被控暴動及襲警罪，至今失蹤）。中一識到依家。見到佢……個感覺好差，好似拖埋一個好好嘅朋友落水咁。」「啲嘢依家好似倒帶咁。細細個已經去佢屋企打機，跟住淥麵食；以前一齊打《魔獸世界》，通宵打一個地下城，一齊組隊。依家都係一齊組隊，一齊俾人告。」
「（自己）打定輸數，同埋叫黃台仰照顧我屋企人，如果佢平安無事嘅話。」
—2016年12月，梁天琦在旺角騷亂提堂後
．《地厚天高》
梁天琦罪成入獄。林子穎說：「佢嘅同輩啱啱大學畢業、啱啱踏足社會，改變得最快嗰幾年。以前可能大家仲半夜可以飲酒吹水，講媾仔媾女，講買衫扮靚化妝；出番嚟，你嘅朋友可能已經進入人生另一個階段，價值觀上一定有改變，可能要供樓，可能事業已經發展得很好。」她形容監獄是一個凝結青春的地方，「某啲位你係成長咗、有多啲人生歷練，但社會對你嘅影響係冇。」「中間嘅落差，可能會幾痛苦。」
本土民主前線召集人黃台仰與李東昇兩人去年9月棄保潛逃，失蹤至今。兩人的身影，不時在《地厚天高》出現。「坐監點都唔會係好事，但相信有比坐監更痛苦嘅嘢。」林子穎說：「我成日諗起黃台仰同李東昇。佢哋係比較開心，同天琦唔同。天琦係比較沉思，比較鬱結；李東昇同黃台仰係比較carefree嘅(o靚)仔嚟。」「我成日諗起佢哋，譬如黃台仰喺巴士上面講，『香港其實好靚』，咁佢呢世人應該冇得再見到呢個景色。咁佢依家點呢？過得開唔開心呢？拉勻一世嚟講，我判斷唔到，究竟返到嚟香港面對審判嘅人慘啲，定係流放嘅人慘啲。」
梁天琦之前去了美國，仍返港受審。林子穎對此說：「我話梁天琦有承擔，就好似話緊其他人冇承擔，我講唔出。」
回應 (0)
