羅冠聰：恐物極必反

【蘋果日報】旺角騷亂案中，3名被告分別被判囚3年半至7年，加上去年東北案及公民廣場案的刑期覆核，越來越多抗爭者被判刑。曾因公民廣場案而被判處監禁的黃之鋒及羅冠聰，認為日後參與社會運動的壓力將會因此而增加。
黃之鋒：須更多支援
香港眾志秘書長黃之鋒認為應先着眼於當下社會運動的狀況，「當身邊嘅戰友或者投身喺政治運動嘅朋友，面對以年計嘅監禁年期，已經唔係講未來社會運動要點行落去，而係咁多人陸續在囚時，可以點樣有更多支援，或者點樣去捱過一波又一波判監嘅浪潮」。面對社會運動的低潮，他認為不是在於遊行人數的多寡，「而係情緒上面嘅影響會好嚴重，依家面對6年嘅刑期，但6年係點樣概念，我諗好多人都未消化到」。
香港眾志前主席羅冠聰指，早於去年公民廣場案中，法庭已向社會發放一個具阻嚇作用的訊息，從那時開始，參加社會運動的風險已大大提高，「當權者都要諗吓會唔會物極必反，可能出嚟抗爭嘅人都會諗，既然都判到咁，不如再激烈啲啦，依家社會就好似一煲滾咗嘅水，大家都唔知爆煲嗰陣會點」。
■記者李雨夢