彭文堅曾捲入財務糾紛陳祉妤金錢上全力支持

【蘋果日報】彭文堅87年參加大台超級新星選舉，成為男子組冠軍，演藝生涯最高峯係演過《書劍恩仇錄》男主角陳家洛，不過套劇收視唔理想，觀眾都唔受落。離開TVB後短暫過檔亞視，離開娛樂圈就轉型從商。
彭文堅之後同名模陳祉妤（Balia）拍拖，不過07時彭文堅捲入財務糾紛，Balia都收到滋擾電話，最後選擇入稟高等法院申請禁制令，杜絕滋擾。Balia亦表示，任何情況下都會對彭文堅不離不棄，甚至係金錢上嘅支持。
兩人經過世患難，於09年拉埋天窗，但一年後婚姻受到挑戰，彭文堅被人影到同一位迷你裙女士當街親熱。Balia為咗保護感情，再次全力支持老公，話過：「嫁得佢就會相佢。」可惜Balia多次付出仍維繫唔到婚姻，於12年宣佈同彭文堅分居。