新聞類別
港聞
詳情#
【蘋果日報】黃創山是「架己冷」，在曼谷華人街出生，自言「出世後未捱過苦」。家境富裕，父親黃子明代理精工錶起家，成為一代泰國首富，家族公司包括在香港上市、經營時間廊的寶光實業（84）。
十二個兄弟姊妹中，黃創山排行第三，但他沒有如其他兄弟般接手家業，反而靠自己雙手打出更廣闊的天地。
父輩代理精工起家 商譽惠及後代
「爸爸係我嘅偶像。」黃創山指由於父子年紀相差30年，父親對他「教訓多過一齊做嘢」。1950年，黃創山出世時，黃子明事業進入起飛階段，並將生意拓展至香港。原在曼谷讀書的黃創山，因為在學校打老師，13歲時被父親安排來港，入讀左派學校培僑。
在父親眼中，黃創山「最曳」，但後來性格最像他的，生意做得最大的，也是黃創山。「爸爸有少少日本人性格，好審慎，唔係咁容易做決定，但決定咗就唔會改。」父輩建立的商譽、信用，至今仍惠及後代。「當年精工嘅老闆好尊敬佢，講明一日未死，代理權都會畀佢。到今日，起碼我細佬仲係香港精工錶嘅代理。盤谷銀行嘅CEO，點解幫我哋做咁多交易，多多少少都係一代代留落來。」黃創山指自己一直「行緊爸爸條路」。
黃創山有一子一女。97年最壞的時候，大學未畢業的黃瑞耀，被父親從英國召回，父子並肩打拼，一起還債，成為生意上最緊密的拍檔。「當年，畀佢見識到咩叫世界及生意風險，冇人係叻得晒嘅，大家一齊從頭開始。」黃創山指兒子和他「做嘢方式相同」，但遇着意見不合時亦會「拍枱」，「理念相近，但時代唔同，好像管人，以前用心，依家用制度；以前用人腦，依家用電腦，冇得唔認同。」
黃瑞耀亦沒有令父親失望，由他一手湊大的戶外廣告公司VGI，2012年在曼谷上市，如今市值超過20億美金。但在黃瑞耀眼中，父親才是「fighter」。「97開始，大家一齊學嘢，但我學唔到佢嘅打仔心態，佢講聽日要做乜嘢，唔理損手爛腳都一定要做到。我唔係咁，我鍾意計劃，冇咁多突發嘢發生。」黃瑞耀指，若以球隊為喻，父親仍負責進攻，中場是員工，他則守龍門。「始終我哋嘅生意都係火車行先，拿到錢再去買磚頭。」他笑稱與父親日日嗌交：「前鋒同龍門一定嗌交。」
■特約記者黃菲菲
https://hk.news.appledaily.com/wonder/realtime/article/20180606/58275514
十二個兄弟姊妹中，黃創山排行第三，但他沒有如其他兄弟般接手家業，反而靠自己雙手打出更廣闊的天地。
父輩代理精工起家 商譽惠及後代
「爸爸係我嘅偶像。」黃創山指由於父子年紀相差30年，父親對他「教訓多過一齊做嘢」。1950年，黃創山出世時，黃子明事業進入起飛階段，並將生意拓展至香港。原在曼谷讀書的黃創山，因為在學校打老師，13歲時被父親安排來港，入讀左派學校培僑。
在父親眼中，黃創山「最曳」，但後來性格最像他的，生意做得最大的，也是黃創山。「爸爸有少少日本人性格，好審慎，唔係咁容易做決定，但決定咗就唔會改。」父輩建立的商譽、信用，至今仍惠及後代。「當年精工嘅老闆好尊敬佢，講明一日未死，代理權都會畀佢。到今日，起碼我細佬仲係香港精工錶嘅代理。盤谷銀行嘅CEO，點解幫我哋做咁多交易，多多少少都係一代代留落來。」黃創山指自己一直「行緊爸爸條路」。
黃創山有一子一女。97年最壞的時候，大學未畢業的黃瑞耀，被父親從英國召回，父子並肩打拼，一起還債，成為生意上最緊密的拍檔。「當年，畀佢見識到咩叫世界及生意風險，冇人係叻得晒嘅，大家一齊從頭開始。」黃創山指兒子和他「做嘢方式相同」，但遇着意見不合時亦會「拍枱」，「理念相近，但時代唔同，好像管人，以前用心，依家用制度；以前用人腦，依家用電腦，冇得唔認同。」
黃瑞耀亦沒有令父親失望，由他一手湊大的戶外廣告公司VGI，2012年在曼谷上市，如今市值超過20億美金。但在黃瑞耀眼中，父親才是「fighter」。「97開始，大家一齊學嘢，但我學唔到佢嘅打仔心態，佢講聽日要做乜嘢，唔理損手爛腳都一定要做到。我唔係咁，我鍾意計劃，冇咁多突發嘢發生。」黃瑞耀指，若以球隊為喻，父親仍負責進攻，中場是員工，他則守龍門。「始終我哋嘅生意都係火車行先，拿到錢再去買磚頭。」他笑稱與父親日日嗌交：「前鋒同龍門一定嗌交。」
■特約記者黃菲菲
https://hk.news.appledaily.com/wonder/realtime/article/20180606/58275514
留言 (0)
