「外國人開廣東話音樂會」古巨基上台撐河國榮

【蘋果日報】河國榮前晚在九展舉行「河國榮31。31 dare to dream音樂會」，周潤發夫婦、譚詠麟（Alan）及林家棟等都送上花籃、果籃支持。今次音樂會沒有大型主辦機構贊助，全為河國榮和太太Bonnie自資及做搞手，河國榮在台上深情向太太說：「音樂會冇咗佢唔得，I love you。」
來港三十一年
前晚亦是河國榮來港三十一年的重要日子，他以連串Alan的歌曲打頭陣：「我原本喺澳洲報讀醫生，但咁啱識咗好多香港朋友，接觸好多廣東歌、學廣東話，見到Alan、張國榮開演唱會，又舉手去做免費司機，後嚟決定唔讀書，買張單程機票嚟香港。」他拿着5千港元及一篋衫便來港發展，起初寄居朋友家中：「之後我喺香港補習教英文搵錢，直至有朋友話TVB想搵一個鬼佬拍劇，從此就開始咗三十年電視演藝生涯。」
古巨基和雷琛瑜（J.Arie）擔任嘉賓，河國榮與基仔合唱《友共情》，基仔說：「好戥佢開心、感動，一個外國人等咗30年，終於可以開廣東話音樂會。」基仔透露與河國榮十多年前在錄音室認識：「佢專登book錄音室練，仲問我點先可以搵到自己把聲，我當時答唱唱吓就搵到，見一位外國人咁有心去做呢件事，一定要支持，所以我一定要嚟。」
採訪：卓寶花
攝影：仇志德