新聞類別
港聞
詳情#
【蘋果日報】【周六話題】
【蘋果日報】翻版傅穎、港版羅拉、運輸女神……這陣子有位力量型靚女洗版，連《人民日報》都點評一番。後生細女，跟車搬貨擔擔抬抬，睇字都覺得好夢幻，睇埋相，更覺超堅強，這位不服輸的女漢子，在酷熱天氣下，為香港帶來一點清涼加一點熱血。
記者︰許維雅
採訪當日，氣溫36℃，記者最好奇的，是天時暑熱，一般人走在街上也吃不消，30歲的朱芊佩（小朱）跟車送貨，如何抗熱消暑？「帶多幾件衫換囉。」這工作體力消耗大，她的體能又是如何練成的？「工作就是鍛煉。」小朱的爸爸自她小時候已開始特訓，實施強化體能訓練，要她綁鉛在腳跑步，認為有好體能才能保護自己。
雖說行行出狀元，但鮮有女孩加入運輸界，而且跟車送貨感覺「麻甩」。小朱卻在八年前開始做超市拆貨，年多前開始做跟車送貨，女仔人家，跟的是5噸半貨車，送糧油雜貨。「入行之前做過好多份工，寫字樓、酒店、餐廳，清潔都做過，做過好多行都發現唔啱，所以份份做唔長，始終覺得做運輸最開心。自由自在啲，冇咁多是非。人工都唔錯，可以養得起自己。」
想考牌揸24噸
運輸跟車，人工一般只有一萬三、四千元左右，送糧油雜貨辛苦些，又會多三、四千，工作不定時，有時返足十幾小時，送貨點有時多達二、三十個。條件不俗的她，真的沒想過轉行？小朱說：「有呀，我都知道搬貨唔可以搬一世，所以我打算考車牌，考過一次不過唔合格。我想考多啲牌揸大車，16噸或24噸可以賺多啲。」
小朱不停擔擔抬抬，付出的是貨真價實的勞力和汗水，「暫時仲頂得住，心態多數係當做運動般鍛煉。做呢行，多單時要節奏快，心理壓力比身體壓力更大。趕時間跑地方，有時客會追貨，老闆又會追。」拍攝當天，運輸車隊有一部車臨時請假，小朱跟的貨車突然加單，老闆兼司機輝哥二話不說丟低小朱，要她自行推車仔送貨到香港仔三個落貨點，包括南灣酒店和深灣遊艇會，輝哥就趕去下一個落貨區。記者一聽，已聯想到兩條大斜路，而且兩個地點相距甚遠，36℃高溫之下，想像起來已令人滴汗。小朱解釋：「冇辦法，都要送。平日未必要行咁多路，只係今日有同事病咗，加咗單，唔夠時間。」
推着大堆貨跑山，那種苦、那種耐力考驗，堅持總要理由吧。小朱自信地說：「喺運輸界我得到肯定同尊重，依家一邊賺錢一邊操練幾好呀。尊重來自好多街坊、行家同客人。佢哋會話『佩服呀，可以捱咁耐。』」去到一家餐廳，收貨負責人讚她有型，小朱用微笑回應。
「佢哋做到 我都做到」
老闆輝哥卻認為，小朱捱得住的原因，是因為她不想輸給男人，「佢性格男仔頭，成日話佢哋做到，我都做到。」輝哥讚小朱工作勤力有交帶，又極少請假，即使自己老婆「詐型」，也找不到理由辭退小朱。「我當佢係男員工一樣，我冇就佢，開工冇得就，否則好難收工。有冇鬧佢？當然有啦，手腳慢一點都鬧。」在粗豪的運輸界男人堆中，小朱難免有時覺得委屈，「佢哋有時講嘢係直接啲，但我一向覺得直接啲比較好，有話直說，乜嘢都開心見誠講。最怕係可能表面冇事，但背後講你壞話，嗰啲暗箭更難防。」
一般女生的爆發力及耐力始終不及男生，小朱全身都有不少疤痕，有時也會獲得優待，「有啲客見我係女仔會幫吓手，不過性別只係歧視，最重要係對人嘅態度，你要尊重人，人哋先會尊重你。」跟着小朱大半天，見她總是對身邊的人客客氣氣，粗獷形象背後是乖乖女，而且工作背後也有女生的一面，「我性格比較爽直，都唔完全係男仔頭。放假有時行街shopping會似返女仔，男仔應該不喜歡行街。我會着裙㗎。」
女子置身這男人行業被當作怪獸？「佢哋望兩眼就唔會驚訝，就會讚我好本事。」說得自在，男朋友怎看？「佢哋唔鍾意，不過我依家冇男朋友。我應該話我要搵嘅人唔應該介意我做呢行，我覺得喺呢一行，就係我享受嘅事。」
記者︰許維雅
採訪當日，氣溫36℃，記者最好奇的，是天時暑熱，一般人走在街上也吃不消，30歲的朱芊佩（小朱）跟車送貨，如何抗熱消暑？「帶多幾件衫換囉。」這工作體力消耗大，她的體能又是如何練成的？「工作就是鍛煉。」小朱的爸爸自她小時候已開始特訓，實施強化體能訓練，要她綁鉛在腳跑步，認為有好體能才能保護自己。
雖說行行出狀元，但鮮有女孩加入運輸界，而且跟車送貨感覺「麻甩」。小朱卻在八年前開始做超市拆貨，年多前開始做跟車送貨，女仔人家，跟的是5噸半貨車，送糧油雜貨。「入行之前做過好多份工，寫字樓、酒店、餐廳，清潔都做過，做過好多行都發現唔啱，所以份份做唔長，始終覺得做運輸最開心。自由自在啲，冇咁多是非。人工都唔錯，可以養得起自己。」
想考牌揸24噸
運輸跟車，人工一般只有一萬三、四千元左右，送糧油雜貨辛苦些，又會多三、四千，工作不定時，有時返足十幾小時，送貨點有時多達二、三十個。條件不俗的她，真的沒想過轉行？小朱說：「有呀，我都知道搬貨唔可以搬一世，所以我打算考車牌，考過一次不過唔合格。我想考多啲牌揸大車，16噸或24噸可以賺多啲。」
小朱不停擔擔抬抬，付出的是貨真價實的勞力和汗水，「暫時仲頂得住，心態多數係當做運動般鍛煉。做呢行，多單時要節奏快，心理壓力比身體壓力更大。趕時間跑地方，有時客會追貨，老闆又會追。」拍攝當天，運輸車隊有一部車臨時請假，小朱跟的貨車突然加單，老闆兼司機輝哥二話不說丟低小朱，要她自行推車仔送貨到香港仔三個落貨點，包括南灣酒店和深灣遊艇會，輝哥就趕去下一個落貨區。記者一聽，已聯想到兩條大斜路，而且兩個地點相距甚遠，36℃高溫之下，想像起來已令人滴汗。小朱解釋：「冇辦法，都要送。平日未必要行咁多路，只係今日有同事病咗，加咗單，唔夠時間。」
推着大堆貨跑山，那種苦、那種耐力考驗，堅持總要理由吧。小朱自信地說：「喺運輸界我得到肯定同尊重，依家一邊賺錢一邊操練幾好呀。尊重來自好多街坊、行家同客人。佢哋會話『佩服呀，可以捱咁耐。』」去到一家餐廳，收貨負責人讚她有型，小朱用微笑回應。
「佢哋做到 我都做到」
老闆輝哥卻認為，小朱捱得住的原因，是因為她不想輸給男人，「佢性格男仔頭，成日話佢哋做到，我都做到。」輝哥讚小朱工作勤力有交帶，又極少請假，即使自己老婆「詐型」，也找不到理由辭退小朱。「我當佢係男員工一樣，我冇就佢，開工冇得就，否則好難收工。有冇鬧佢？當然有啦，手腳慢一點都鬧。」在粗豪的運輸界男人堆中，小朱難免有時覺得委屈，「佢哋有時講嘢係直接啲，但我一向覺得直接啲比較好，有話直說，乜嘢都開心見誠講。最怕係可能表面冇事，但背後講你壞話，嗰啲暗箭更難防。」
一般女生的爆發力及耐力始終不及男生，小朱全身都有不少疤痕，有時也會獲得優待，「有啲客見我係女仔會幫吓手，不過性別只係歧視，最重要係對人嘅態度，你要尊重人，人哋先會尊重你。」跟着小朱大半天，見她總是對身邊的人客客氣氣，粗獷形象背後是乖乖女，而且工作背後也有女生的一面，「我性格比較爽直，都唔完全係男仔頭。放假有時行街shopping會似返女仔，男仔應該不喜歡行街。我會着裙㗎。」
女子置身這男人行業被當作怪獸？「佢哋望兩眼就唔會驚訝，就會讚我好本事。」說得自在，男朋友怎看？「佢哋唔鍾意，不過我依家冇男朋友。我應該話我要搵嘅人唔應該介意我做呢行，我覺得喺呢一行，就係我享受嘅事。」
留言 (0)
