胡定欣單獨練舞嗌斷氣

【蘋果日報】馬浚偉、胡定欣及林敬剛等昨日在葵涌為舞台劇《偶然．徐志摩》綵排，馬仔表示綵排已進入狀態，在劇中要跳華爾茲的他說：「另外安排咗3米長嘅水袖服畀定欣跳水袖舞，我相信佢一定能夠做到。」對於主演的新劇《宮心計2之深宮計》，短短40秒被剪31刀，馬仔說：「有留意，因為好多人物反應要交代，而且因為單機拍攝，所以要硬cut，我承認有個別鏡頭唔使剪，但知道係剪片師同導演嘅心意。」
胡定欣表示水袖難過華爾茲，雖然一向有練2米長水袖，但3米會有難度，所以有點後悔答應馬仔，她說：「依家唔使做gym，係意料之外辛苦，淨係自己單獨練已經斷氣，最衰自己冇試過就應承人哋。」有武功底子嘅林敬剛，對於今次需要跳舞，佢話：「特別困難，因為邊舞蹈邊演戲，對我來講係難。」
採訪、攝影：張俊銘