【馮仁昭四圍超】陳潔靈重開個唱　夢幻演出

【蘋果日報】陳潔靈（Elisa）將於7月18至29號喺演藝學院舉行12場《由靈開始》個人演唱會。Elisa日前喺灣仔接受訪問，佢話二十幾年冇喺香港開個人演唱會，但做過數百場舞台音樂劇演出，連埋私人派對同聯合演出，合共有過千場騷。
嘉賓重量級
Elisa又話今次係一個夢幻演唱會，會同倫永亮、又一山人等合作，仲會有重量級嘉賓。Elisa話：「佢身價以百萬計，好難請佢嚟，我同佢嘅演繹方法喺香港演唱會未有人做過。」雖然今次場館只容納每場600人，但Elisa話可以同歌迷近距離接觸係好事，「每個觀眾都睇到你嘅感情，好似喺耳邊唱歌，要有好好準備工夫，因為少少嘢觀眾都睇到。」Elisa話除咗倫永亮做音樂顧問，今次整個班底都係最頂級：「演唱會唔係賺錢，係同一班朋友享受今次合作演出，包括好欣賞嘅甄詠蓓。」
撰文：馮仁昭
化妝：Ellen Tam
髮型：Jam Ng
場地提供：1563 at the East