19歲港青征服珠峯　哥哥驚足兩個月

【蘋果日報】年僅19歲的本港攀山愛好者陳家希（Benjamin Chan），本周一早上成功登上世界屋脊、海拔8,848公尺的珠穆朗瑪峯，成為攀上珠峯最年輕的港人。家希哥哥Daniel透露，一家人對於弟弟成功征服珠峯均感到十分開心，但直言過去兩個月，家人都擔心其安全，「唔知佢會唔會安全落返嚟」，但當知道他已安全抵達珠峯大本營，「心情放鬆咗」。
憑熱誠感動贊助商
家希本周一成功登上珠穆朗瑪峯，其兄長Daniel透露，家希昨已抵達珠峯大本營。他說，一家人對於家希要征服珠峯都感到擔心及緊張，「一開始都緊張，唔知佢會唔會返到嚟、安全落返嚟，依家知佢去到大本營，心情放鬆咗」。
Daniel說，因為通訊問題，自家希登頂後，一直未能與他聯絡上，只能透過其導遊在網頁上載的消息及相片才能知道其情況。但對家希成功征服珠峯感到十分開心，「當然好開心」，過去兩個月一家人都不時與家希透過WhatsApp聯絡，「一直叫佢加油，鼓勵佢」。
攀登雪峯需要驚人體力與毅力，也需要強大經濟後盾，家希早前獲得一家本港服裝品牌公司贊助，令他美夢成真。負責贊助家希登頂的藝高亞太有限公司創辦人及董事總經理邱季良稱，前日獲悉家希成功攀上珠峯，「聽到好開心，後生可畏」。他憶述，今年初家希主動上門尋求贊助，「佢去過好多間公司拍門，但好多間都拒絕，令佢好氣餒。我本身係唔識佢，佢自己搵到我哋」。
邱續稱，先後接觸家希兩次，「佢係一個好直率嘅男仔，有一顆赤子之心」。家希接觸其公司時，表明要在20歲前攀登珠峯、七大洲，以及南北極，「我初初以為佢講笑，佢話讀書返嚟可以繼續……而佢同我哋傾時，做好晒準備工夫，份計劃書係好認真，見到佢嗰份熱誠、鬥心，我覺得好難得、要鼓勵佢」。
邱又直言，家希僅19歲，只有一、兩年攀山經驗就挑戰珠峯，「擔心佢安全，初初都覺得佢成功機會一半一半，但我哋無同佢講」。最後家希成功攀上珠峯，「聽到真係好開心，後生可畏，年輕人諗嘅嘢唔好低估，佢真係好strong」。
根據美國傳媒報道，全球有紀錄以來，征服珠峯最年輕為美國人Jordan Romero，他於2010年僅13歲之齡成功登頂。