力撐公私營合作發展農地

【蘋果日報】公私營合作發展新界農地惹爭議，而李嘉誠、李澤鉅兩父子則輪流表態支持。李嘉誠稱「好呀，我贊成！總之能夠令香港大部份受薪嘅人，有得好好咁居住」；而李澤鉅前一日亦指公私營合作是「一流」，惟以現今政治環境來說並不容易。
指賣中環中心為再投資
李嘉誠昨股東會後正式退休，他會後見記者時被問到有股東想長實樓「賣平啲」，他指「如果我賣樓呢，我一家賣平，股東都唔要我啦，係咪呀？我希望香港個個好，尤其需要樓、公屋嗰啲人」。他又提到，明日仍會如常上班，而下月會在基金會工作；至於日後股東會則不保證會否出席。
另在長實（1113）股東會上，有股東問到中環中心出售後，會否派特別股息，他笑言，「（賣中環中心）係賺好多錢，但為公司利益，想投資其他國家先，可拎多一倍租金收入」。他指資金將用來投資一級寫字樓，「有呢個機會，已經接洽中」。
有股東關心中環中心售價是否太便宜，原因是新買家拆租後，呎價較以往大升，李指「我人工都冇得扣」，但相信團隊做了最好決定，「人有利潤，我又滿足，咁就最好」。
■記者張浚浩