【勇敢去愛】《抱抱我的初戀》真實版出櫃只為忠於自己

【蘋果日報】電影《抱抱我的初戀》以男主角Simon面對出櫃的心路歷程，及受到匿名的同性戀同學啟發而勇敢追求所愛，受訪者Cuby和Jim在十七八歲時，也曾因為性取向而迷惘，經歷過出櫃的掙扎。
不似電影主角Simon被逼出櫃，他們的經歷沒有太曲折的情節，Cuby說自己是幸運的一群，家人比較開通，和第一個女朋友在一起後，便帶她回家，牽住女朋友的手，跟媽媽說「媽咪，呢個係我女朋友」。Jim的家人相對較傳統，認為他一定是和女孩談戀愛，曾問他何時帶女生回家，直至去年11月同志遊行後，Jim向家人提出假設性問題，「假設我地三兄妹入面，一個係同性戀，一個係雙性戀，一個異性係異性戀，你會點睇」，家人即時意會到，雖然起初不太能接受，但之後再沒有問他有關和女孩談戀愛這方面的事，只給予支持「你開心就得啦！」
電影以高中為背景，恰當表達了不少的同性戀(甚至異性戀)者在此期間，對自己的性取向產生過懷疑，最後認清楚自己的性取向，電影中Simon與匿名的同性戀同學，透過email分享彼此的秘密和趣事，Cuby和Jim亦如電影情節般，曾經嘗試與異性密友相處發展，「係我未確實同女仔一齊之前，我有嘗試搵一個好好嘅朋友做我男朋友，但係一到拖手，就唔得啦我已經。」Cuby坦言從幼稚園開始已經發覺自己對女性有興趣，更指一男一女的情侶形象，完全沒辦法符合她理想中的畫面。Jim曾迷惘自己是否雙性戀，中學時有過一位異性曖昧對象，試過表白被拒，Cuby即笑問「後尾佢知你係gay，係咪好似套戲咁?問你鍾意我係咪因為我似男人?」「佢淨係講你係gay呀？好呀無乜野」Jim更感謝身邊朋友支持。
問到作為同性戀者所面對的壓力時，他們都說壓力來源很多時是來自自己，尤其是決定出櫃前，「其實我係有考慮過，屋企人或者friend點樣睇嘅，會唔會因為你係同性戀，呢個屋企唔歡迎你啊。」Jim會有此顧慮皆因曾聽聞其他人的不愉快經歷。「反而我覺得come out最大壓力係同事啊。」Cuby則分享曾有女同事好言相勸她應該找男人結婚，幸好工作待遇上並無分別，亦得到同事客人支持。
《抱抱我的初戀》中探討出櫃的掙扎，往往是害怕一旦公開性取向便失去家人朋友支持，Cuby以過來人身份分享出櫃後的感覺，「有時我覺得come out係開心架成個人，唔需要再隱藏自己，唔會再去在意猜測人地點去諗我，你有時諗到個情況好worst，原來未必係架，家人朋友分分鐘係會講啲支持嘅說話。」勉勵大家要忠於自己，勇敢去愛。
訪問 Sapna
攝錄馮峰 NEO
剪接動L
場地提供 The Metroplex星影匯