亮說亮話：搵地小組只係做吓樣

【蘋果日報】林鄭在發表第一份施政報告時，委任一個搵地小組，明眼人都知道這是棧道兵，只不過做吓樣，一定搵唔到地。
誰不知搵地小組主席非常落力，仲要落區體察民情，見到深水埗區的劏房戶，立刻話房屋政策將會向基層傾斜。老實說，我真的不知道是誰人給主席有權力說出這些話，或者他只是順口開河，但言者無心，聽者有耳，主席小心日後被人追數。
搵地小組搵了一輪之後，竟然可以發掘到18個搵地選項，並且以5個月為諮詢期，希望市民多發表意見。其實，那些只不過掩眼法，真正的做法只有一個，就是公私營合作，政府與地產商共同開發地產商擁有的農地，搵地小組主席仲叫大家拋開官商勾結這個不正確思想。
老實說，我真的不明白點解要公私營合作，何不採用最簡單方法，就是要求地產商補地價之後再自行發展，這是最少機會引致官商勾結。如果公私營合作，由開發土地至樓宇落成，當中有不少機會引致官商勾結，甚至出現賄賂貪污等情況，等同誘人犯罪。所以，政府與地產商一定要公私分明。
搵地小組的18個選項其實只是製造混亂，既得利益者一定不會很容易作出妥協，他們甚至會說永不妥協，結果這18個選項永遠都在討論階段，永遠搵唔到地。到最後，公私營合作就是最佳方案，然後待之而起的就是官商勾結。
湯文亮
jacinto.tong@gmail.com
本欄逢周二刊出